Pandemııaǵa baılanysty eki ret keıinge shegerilgen fýtboldan Qazaqstan chempıonaty 18 tamyzda qaıta jalǵasty. Birinshiliktiń alǵashqy kúni 4-týrdyń úsh oıyny ótti.
Uzaq úzilisten keıingi chempıonattyń birinshi oıynynda «Kaspıı» men «Qaırat» klýbtary baq synady. Talǵar qalasyndaǵy ulttyq quramanyń jattyǵý bazasynyń stadıonynda ótken kezdesýde almatylyq ujym 3:0 esebimen esh qıyndyqsyz jeńiske jetti. Ortalyq stadıondaǵy «Jetisý» men «Ordabasy» arasyndaǵy matchta Shymkenttiń komandasy kambek jasap, jankúıerlerge qýanysh syılady. Birinshi taımda «Ordabasy» 2:0 esebimen jeńilip jatyp, oıyn sońynda 3:2 esebimen jetisýlyqtardan jeńisti julyp aldy. Al «Taraz» ben «Qyzyljar» fýtbolshylary bir-biriniń qaqpasynan sańlaý taba almaı, 0:0 esebimen teń tarqasty.
Týrnır kestesinde «Qaırat» 12 upaımen kósh bastady. Almaty komandasynan eki oıyn kem ótkizgen «Astana» men «Tobyl» klýbtary 7 upaımen ekinshi jáne úshinshi oryndardy bólisip tur. Besinshi týr matchtary 21-22 tamyzǵa josparlanǵan.