Semeıde jetim balalar men ata-anasynyń qamqorlyǵynsyz qalǵan balalarǵa arnalǵan mektep-ınternattyń tárbıelenýshisi kóz jumdy, dep habarlaıdy Egemen.kz.
"Bilim basqarmasynyń málimetinshe, 17 tamyzda Semeı qalasynyń "jetim balalar men ata-anasynyń qamqorlyǵynsyz qalǵan balalarǵa arnalǵan mektep-ınternat" KMM tárbıelenýshisi qaıtys boldy. О́limniń aldyn-ala sebebi - mıdyń isinýi bolýy múmkin. Aımaq basshysy Danıal Ahmetovtyń tapsyrmasy boıynsha ShQO ákiminiń orynbasary Álisher Marhabat bastaǵan top jaǵdaıdy egjeı-tegjeıli zerdeleý úshin arnaıy komıssııa quryldy", dep habarlady oblys ákimdiginiń baspasóz qyzmeti Instagram paraqshasynda.
Vedomstvonyń aqparatynsha, jumys tobynyń quramynda qadaǵalaý jáne quqyq qorǵaý organdary, densaýlyq saqtaý basqarmasy, QBTÝ DKBK, sondaı-aq qoǵam ókilderi bar.
"Ár balanyń ólimi-bul qaıǵyly jaǵdaı. Ár jaǵdaıdy egjeı-tegjeıli zertteý kerek. Bul másele oblys ákiminiń jeke baqylaýynda", dep atap ótti ákimdiktiń baspasóz qyzmeti.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.