Facebook-tiń algorıtmderi qoldanýshylarǵa medısına týraly jalǵan aqparattyń mazmunyn 3,5 mıllıard ret kórýge múmkindik berdi, - dep habarlaıdy Egemen.kz Reıter agenttigine silteme jasap.
Avaaz belsendiler uıymynyń esebinde densaýlyqqa qatysty jalǵan aqparattyń 10 paraǵy álemdegi eń jaqsy 10 medısınalyq mekemeniń balama mazmunynan tórt ese kóp qaralǵany anyqtaldy. Esepte áleýmettik jeliniń ótken jyldaǵy derekteri zertteldi jáne dezınformasııalyq mazmundaǵy pikirlerdiń eń kóbi osy jyldyń sáýirinde tirkelgen.
- Facebook-tiń algorıtmi densaýlyqqa úlken qaýip tóndiredi. Mark Sýkerberg pandemııa kezinde senimdi aqparat berýge ýáde bergen edi, biraq onyń algorıtmi kerisinshe kórsetip, Facebook-tiń 2,7 mıllıard qoldanýshysyn densaýlyqqa qatysty jáne medısınaǵa baılanysty qate aqparattardy kóp taratqan, - dedi Avaaz ókili Fadı Kýran.
Facebook kompanııasy «Avaaz-dyń jalǵan aqparat taratýdy shekteý maqsatyn qoldaıdy» dep jaýap berdi. Biraq olardyń nátıjeleri áleýmettik jelide jalǵan aqparat taratýdy shekteý qadamdaryn kórsetpeıdi dep sanaıdy.
Esterińizge sala keteıik, buǵan deıin Facebook koronavırýs týraly jalǵan aqparatpen baılanysty 7 mıllıon jarııalanymdy joıǵan bolatyn.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.