Aǵymdaǵy jyldyń basynan beri Áleýmettik qyzmetter portalyn iske qosqan sátten bastap ol arqyly múgedektigi bar adamdar úshin 9 491 ońaltýdyń tehnıkalyq quraly berildi. 2 662 tapsyrys jetkizilý satysynda. Bul týraly Egemen.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap habarlaıdy.
Portal múgedektigi bar adamdarǵa OTQ óndirýshi men jetkizýshini óz betinshe tańdaýǵa múmkindik beredi. Kómektiń kepildik berilgen túrine tapsyrys berý elektrondyq sıfrlyq qoltańba arqyly júzege asyrylady. Tapsyrys berilgen OTQ-ny jetkizý arqyly alýǵa nemese óz betinshe alyp ketýge bolady.
Qazirgi ýaqytta portalda OTQ-nyń 55 túriniń 24-i qoljetimdi. 2020 jyldyń ekinshi jartyjyldyǵynda múgedekter úshin portal arqyly jeke kómekshiler men ymdaý tili mamandarynyń qyzmetterine tapsyrys berý, sondaı-aq sanatorııalyq-kýrorttyq emdelý uıymyn tańdaý múmkindigi beriletin bolady. OTQ-nyń qalǵan túrleri 2021 jyly portalǵa aýystyrylatyn bolady.
Múgedektigi bar adamdardy ońaltý quraldarymen qamtamasyz etý protezdik-ortopedııalyq, sýrdotehnıkalyq, tıflotehnıkalyq jáne gıgıenalyq quraldardy, sondaı-aq kreslo-arbalardy usynýdy qamtıdy.
Esterińizge sala keteıik, elektrondyq resýrs múgedektigi bar adamdardy qajetti qyzmettermen jáne OTQ-men jetkizýshiden tikeleı qamtamasyz etý maqsatynda ázirlengen.
Qazirgi ýaqytta portalda 539 jetkizýshi tirkelgen, onyń 24-i OTQ usynady. 515 uıym arnaıy áleýmettik qyzmetter kórsetetin bolady. Mınıstrlik jetkizýshilerdiń sanyn arttyrý boıynsha belsendi jumys júrgizýde.
«Áleýmettik qyzmetter portaly» avtomattandyrylǵan aqparattyq júıesin endirý Múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi ulttyq jospar sheńberinde kózdelgen.
Portaldy paıdalaný boıynsha konsýltasııalardy 1411 nómiri boıynsha koll-ortalyqtan alýǵa bolady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.