Elshi Jalǵas Ádilbaev Mońǵolııanyń Eńbek jáne áleýmettik qorǵaý mınıstri, Qazaqstan-Mońǵolııa saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi úkimetaralyq komıssııasynyń teń tóraǵasy Aıýýshıın Arıýnzaıaamen kezdesti. Bul týraly Egemen.kz Syrtqy ister mınıstrliginiń baspasóz qyzmetine silteme jasap habarlaıdy.
Kezdesýdiń basynda dıplomat A.Arıýnzaıaany Mońǵolııanyń Eńbek jáne áleýmettik qorǵaý mınıstri laýazymyna taǵaıyndalýymen quttyqtap, Saýda jáne ıntegrasııa mınıstri, qazaqstandyq taraptan ekijaqty Úkimetaralyq komıssııanyń teń-tóraǵasy Baqyt Sultanovtyń quttyqtaý hatyn tabystady.
Sondaı-aq taraptar ekijaqty Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi úkimetaralyq komıssııasynyń 8-otyrysyn ótkizý, ekijaqty qujattardy daıyndaý, sondaı-aq Qazaqstan Respýblıkasy jáne Mońǵolııa arasyndaǵy zeınetaqymen qamtamasyz etý týraly kelisimdi daıyndaý jónindegi jumys tobynyń kezekti májilisin uıymdastyrý máseleleri boıynsha pikir almasty.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.