Bıyl 300-ge jýyq erikti oqytý josparlanǵan. Bul týraly ákimdiktiń resmı saıtyna silteme jasaı otyryp Egemen.kz habarlaıdy.
2020 jyl Qazaqstanda eriktiler jyly bolyp jarııalandy. Qıyn kezeńde adamdarǵa kómektesýge degen nıet pen yqylas otandastarymyzǵa tán qasıet. Nur-Sultanda kásibı kómek kórsetýge kómektesetin arnaıy mektep bar.
"Bıyl mektep onlaın rejımge ótti. Sońǵy top 17 tamyzda sabaqtaryn bastady, teorııalyq sabaqtar arnaıy baǵdarlamalar arqyly ótkizildi. Sonymen qatar biz stýdentterdi is-sharalar kezinde tikeleı tájirıbe jınaýǵa shaqyramyz", deıdi Nur-Sultan ákimdiginiń "Astana jastary" basshysy Shyńǵys Tleýlın.
Jalpy, bıyl shamamen 300 erikti daıarlaý josparlanǵan. Uıym qurylǵaly ıaǵnı 2014 jyldan beri, shamamen 2,5 myń adam oqytyldy. Eriktiler Arysty qalpyna keltirýge atsalysyp, pandemııa kezinde muqtaj adamdarǵa kómek kórsetti jáne elordada ótken halyqaralyq is-sharalarǵa qatysty.
"Oqý úsh kezeńnen turady. Birinshi kezeń - bul barlyǵy qatysatyn kirispe kýrs. Onda shamamen on synyp bar: alǵashqy medısınalyq kómek, psıhologııalyq trenıngter jáne ózin-ózi damytý trenıngteri. Odan keıin volonterler úsh baǵytqa bólinedi – tótenshe jaǵdaı eriktileri, halyqaralyq eriktiler jáne áleýmettik eriktiler. Olardyń sol sala boıynsha jattyǵýlar berip, maman etip shyǵarady. Sodan keıin úshinshi kezeń - keıbir jaǵdaıda tikeleı praktıkalyq daıyndyqtan ótkizedi", dep túsindirdi Shyńǵys Tleýlın.
Eriktiler mektebinde oqyǵysy keletinder úshin 109 iKomek nómirine nemese Astana_zhastary_volunteeers ınstagramm akkaýnty arqyly uıymǵa habarlasýǵa bolady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.