Epıdemıologııalyq jaǵdaıdyń kúrdelenýine jáne Qytaı Halyq Respýblıkasynyń Shyńjań – Uıǵyr avtonomııalyq aýdany (QHR ShUAA) úkimetiniń qatań karantındik sharalardy engizýine baılanysty, Qazaqstan Respýblıkasynan QHR-ǵa úlken júk avtokólik quraldaryn ótkizýdi shekteý bóliginde "Nur Joly" ótkizý pýnkti boıynsha júkteme artty.
Aǵymdaǵy jyldyń shilde aıynda" kórshilermen "Maıqapshaǵaı", “Baqty” jáne “Kóljat" ótkizý pýnktteri jabyldy. "Dostyq" jáne "Nur Joly" ótkizý beketterinde júrgizýshiler úshin de, aýyr júk kóligine qatysty da qatań karantındik sharalar engizildi, bul óz kezeginde memlekettik shekaranyń kireberisinde kóp shoǵyrlanýǵa alyp keldi.
Qazaqstan Respýblıkasy Úkimetiniń sheshimimen vedomstvoaralyq jumys toby quryldy, oǵan QR Syrtqy ister mınıstrliginiń, QR Qarjy mınıstrligi Memlekettik kirister komıtetiniń, QR UQK Shekara qyzmetiniń, Indýstrııa jáne ınfraqurylymdyq damý mınıstrligi Kólik komıtetiniń, saýda jáne ıntegrasııa mınıstrliginiń, Ishki ister mınıstrliginiń, "Atameken" Ulttyq Kásipkerler palatasynyń, "Kazlogistics" Qazaqstan kólikshiler odaǵynyń jáne qoǵam ókilderiniń ókilderi kirdi.
Aǵymdaǵy jyldyń 19-20 tamyzynda jumys tobynyń ókilderi QHR-ǵa shyǵýdy kútip otyrǵan tasymaldaýshylarmen kóshpeli kezdesý ótkizdi, onda "Nur Joly” ótkizý pýnktine ótý úshin AKQ kezegin qalyptastyrý algorıtmi qabyldandy (qosymshadaǵy algorıtm).
Sondaı – aq, tasymaldaýshylarǵa ýákiletti memlekettik organdar tarapynan memlekettik shekara arqyly úlken júkterdi negizsiz ótkizýge jol bermeý jáne Qazaqstan-Qytaı shekarasynda qalyptasqan jaǵdaıdy turaqtandyrý boıynsha qabyldanǵan sharalar boıynsha qabyldanyp jatqan sharalar túsindirildi.
Sonymen qatar, máseleler týyndaǵan kezde osy jaǵdaı boıynsha siz myna telefondar arqyly:
QR IIDM Kólik komıteti Ahýaldyq ortalyǵy - 8 7172 983535, 8708 088 0800; QR QM Memlekettik kirister komıteti– 8 800 080 7777, 1414 KTZE qurǵaq porty-Khorgos Gateway– 8 7273 49 54 08"Nur-Joly" ótkizý pýnktinen ótý úshin» AKQ kezegin qalyptastyrý algorıtmi
2020 jylǵy 20 tamyzdan bastap “Nur-Joly” ótkizý pýnktinde kezekte turǵan AKQ qurǵaq portqa kezeń-kezeńimen kóshirý júzege asyrylatyn bolady. Kezek ákimdiktiń, memlekettik organdardyń jáne tasymaldaýshylar men avtokólik ıeleri qataryndaǵy belsendilerdiń birlesken kúsh-jigerimen qalyptastyrylady. Kúndelikti jol júrý tizimin qalyptastyrý "Búrkit" jáne "Astana-1 ÁJK" júıesi arqyly qaıta kirý mánine tekseriledi. Eksportqa júk tasymaldaıtyn ATS, Qazaqstan úshin gýmanıtarlyq kómek jáne úkimettik júkter jasyl dáliz boıynsha kezeksiz ótkiziledi. Bul rette mundaı júkterdi ótkizý osyndaı tasymaldaý týraly rastaıtyn qujattardy usyna otyryp júzege asyrylatyn bolady. AKQ kezeginiń tizimi "WhatsApp" áleýmettik jelisi arqyly qatysýshylary AKQ júk tasymaldaýshylary men júrgizýshileri bolyp tabylatyn "Nur-Joly" chat tobyna jiberiletin bolady. AKQ kezeginiń tizimin UQK ShQ, MKK jáne AKQ ıeleriniń ishinen táýelsiz baqylaýshylar baqylaıdy. Tizim kún saıyn UQK ShQ, MKK jáne “QazAvtoJol” aqyly júıesimen salystyrylady. Tólem júıesinde bekitilgen tizimde joq AKQ jiberilmeıdi. "Nur-Joly" ótkizý pýnktine kezek qalyptastyrý jáne ótý Qurǵaq port aýmaǵynda bastalady. Memlekettik organdar men belsendiler tobynan quralǵan mobıldi beketter úsh dıslokasııa boıynsha ornalastyrylady: Qurǵaq port aýmaǵynda, aqyly shlakbaým jáne Penjim kópiri. Barlyq jedel máseleler Panfılov aýdanynyń ákimi bastaǵan komıssııa otyrystarynda sheshiledi. 2020 jylǵy 1 qyrkúıekten bastap "Evrotranzıt" aq elektrondyq kezekti qalyptastyrý júıesi qoldanysqa engiziletin bolady. Avtopoezdar (tandem) boıynsha jeke tizim qalyptastyrylatyn bolady. Avtopoezdardyń (tandemderdiń) QHR aýmaǵyna kirýine tyıym salynady. Qurǵaq portta múmkindik bar:- QHR-dan keletin temirjol quramdaryn (jabyq vagondar, konteınerler) AKQ júkteý);
- TJ platformasynda AKQ QHR aýmaǵyna jóneltý jáne keri baǵytta jóneltý.
Qosymsha aqparatty qurǵaq porttyń ákimshilik ǵımaratynyń 1-qabatynan alýǵa bolady.