Ekologııa, geologııa jáne tabıǵat resýrstary mınıstrliginiń Jaýapty Hatshysy Sábıt Nurlybaıdyń tóraǵalyǵymen, Ekologııalyq retteý jáne baqylaý, Orman sharýashylyǵy jáne janýarlar dúnıesi, Gelogııa jáne sý resýrstrary komıtetteriniń, sonymen qatar Komıtetterdiń aýmaqtyq departamentteriniń men ınspeksııa basshylarynyń qatysýymen VKB arqyly Mınstrliktiń jáne oǵan baǵynysty aýmaqtyq vedomtsvolar qyzmetkerleri arasyndaǵy sybaılas jemqorlyqqa qarsy kúres boıynsha keńes ótkizildi, dep habarlaıdy Egemen.kz.
Keńeste zań qyzmeti departamentiniń dırektory M.K.Haırýllınniń "sybaılas jemqorlyqqa qarsy kúrestiń aldaǵy sharalary" jaıly baıandamasy tyńdaldy.Sońǵy óz baıandamasynda Orman sharýashylyǵy jáne janýarlar dúnıesi komıtetiniń aýmaqtyq bólimderindegi sybaılas jemqorlyqqa qarsy kúresniń óz dárejesinde emestigine toqtaldy, atap aıtqanda 2019 jyldyń shildesimen 2020 jyldyń tamyz aılary arasynda 11 qyzmetker qylmystyq jaýapkershilikke tartylǵan (qyzmet babyn asyra paıdalaný, para alý, zańsyz ań aýlaý, bıýdjetten aqsha urlaý).
Jaýapty Hatshysy komıtet tóraǵasynyń mindetin atqarýshy N.Júnisovke, komıtet qyzmetkerleri aralysnda sybaılas jemqorlyq kórinisterine qarsy kúresti kúsheıtý jaıly tapsyrys berdi.
Sonymen qatar keńeste komıtetterdiń, aýmaqtyq bólimshe basshylarynyń Sybaılas jemqorlyqqa qarsy is-qımyl Agenttigi jáne "Adaldyq alańy" jobasy keńsesimen birlesip syrtqy taldaý barysynda anyqtalǵan sybaılas jemqorlyq táýekelderin joıý jaıly josparynyń oryndalý barysy tyńdaldy.Sonymen qatar keńeste Mınıstrliktiń jáne onyń aýmaqtyq bólimshelerinde sybaılas jemqorlyqqa qarsy kúrestiń tıimdiligin artyrýdyń, ashyqtyqty qamtamasyz etý máseleleri talqylandy.Keńes qorytyndysy boıynsha, Qazaqstan Respýblıkasynyń Ekologııa, geologııa jáne tabıǵat resýrstary mınıstrliginiń Jaýapty Hatshysy S.Nurlybaı, Komıtetterdiń jáne olardyń aýmaqtyq bólimsheleriniń basshylaryna sybaılas jemqorlyq táýekelderin joıý jaıly josparynyń oryndalýyn qamtamasyz etýdi jáne onyń oryndalýyna formaldy túrde qaramaýdy, sonymen qatar "Adaldyq alańy" jobasy keńsesiniń jáne onyń aýmaqtyq fılıaldarynyń azamattarmen óz ara árekettesý jumysyn kúsheıtýdi tapsyrdy.
Sońǵymen qyzmetkerler tarapynan sybaılas jemqorlyq qylmystary jasalǵan jaǵdaıda, Komıtet jáne aýmaqtyq qurylymdyq bólimshelerdiń basshylarynyń jaýapkershiligi qaralyp, qyzmetten bosatý jaıly sheshim qabyldanatyndyǵyn atap ótti.