Memleket basshysynyń tapsyrmasyn oryndaý maqsatynda Sybaılas jemqorlyqqa qarsy is-qımyl agenttiginiń Tóraǵasy Alık Shpekbaev mınıstrlikterdiń jaýapty hatshylary men "Adaldyq alańy" jobalyq keńseleri basshylarynyń qatysýymen turmystyq sybaılas jemqorlyqty joıý máseleleri boıynsha keńes ótkizdi.
Keńes jumysyna ortalyq memlekettik organdardyń aýmaqtyq bólimsheleriniń basshylary, ákimdikterdiń ókilderi jáne Ádep jónindegi ýákilderi qatysty.
Keńes barysynda A.Shpekbaev 2019 jyldan bastap turmystyq sybaılas jemqorlyqty joıý, qolaıly jaǵdaılar jasaý, sondaı-aq memlekettik organdardyń ashyqtyǵy men eseptiligin qamtamasyz etý jáne sybaılas jemqorlyqqa qarsy is-qımylda qoǵamdyq baqylaýdy kúsheıtý maqsatynda ashylǵan "Adaldyq alańy" jobalyq keńseleriniń áleýetin álsiz paıdalanýdy atap ótti.
Onyń aıtýynsha, jobalyq keńseler bıýdjet qarajatynyń jumsalýyn baqylaýǵa, sybaılas jemqorlyq táýekelderin boldyrmaýǵa jáne memlekettik qyzmetterdi sıfrlandyrýdy jedeldetýge, open space jáne front keńselerin engizý arqyly memlekettik organdardyń halyqqa qyzmet kórsetýdiń servıstik modeline kóshýine azamattyq qoǵamnyń keńinen qatysýymen sybaılas jemqorlyqqa qarsy bastamalardyń generatory bolýy tıis.
О́z kezeginde Elbasy N.Á. Nazarbaevtyń "Sybaılas jemqorlyqtan ada óńirler" bastamasyn iske asyrýdyń oń mysaly retinde KAZGIýÝ Ýnıversıtetiniń provosty S.G. Pen bastaǵan "Adal bilim" Bilim jáne ǵylym mınıstrliginiń jobalyq keńsesiniń tájirıbesi atap ótildi.
Is-shara sońynda qatysýshylarǵa turmystyq sybaılas jemqorlyqty joıý boıynsha ázirlenip jatqan jol kartasyna usynystar engizýge shaqyrdy, sondaı-aq sybaılas jemqorlyqqa qarsy sharalardy qabyldamaǵany úshin jaýapkershilik týraly eskertildi.
Esterińizge sala keteıik, buǵan deıin Memleket basshysy sybaılas jemqorlyqty azaıtý boıynsha laıyqty bastamalary joq basshylar týraly baıandaýdy tapsyrǵan bolatyn.