Qazaqstan polısııasynyń jarshysyna aınalǵan «Saqshy» jáne «Na straje» gazetteriniń jaryq kóre bastaǵanyna 80 jyl toldy. Osyǵan oraı aldyńǵy kúni «Saqshy» – «Na straje»: keshe, búgin, erteń» taqyrybyndaǵy halyqaralyq konferensııa boldy. Oǵan Prezıdent Ákimshiliginiń, Ishki ister mınıstrliginiń, ózge de quqyq qorǵaý organdarynyń ókilderi, ardagerler qatysty.
Qazaqstan polısııasynyń jarshysyna aınalǵan «Saqshy» jáne «Na straje» gazetteriniń jaryq kóre bastaǵanyna 80 jyl toldy. Osyǵan oraı aldyńǵy kúni «Saqshy» – «Na straje»: keshe, búgin, erteń» taqyrybyndaǵy halyqaralyq konferensııa boldy. Oǵan Prezıdent Ákimshiliginiń, Ishki ister mınıstrliginiń, ózge de quqyq qorǵaý organdarynyń ókilderi, ardagerler qatysty.
Konferensııada sóz alǵan Ishki ister mınıstriniń orynbasary Amantaı Kúreńbekov atalǵan basylymdardyń atqarǵan jáne búgingi tańdaǵy jedel qyzmetine toqtalyp ótti. Elimizdiń ishki ister organdarynyń qyzmeti – eń aýqymdy salalardyń biri. Osyǵan oraı qoǵamǵa qaýip tóndirgen qylmystardyń der kezinde ashylýy, qazaqstandyq polısııanyń jedel is-áreketteri, qol jetkizgen jetistikteri, bári-bári atalǵan basylym betterinen kórinis tabýda. Ishki ister salasynyń ózgege úlgi bolarlyq qyzmetkerlerin, qaısar oǵlandardyń qaıtpas erlikterin pash etýdi bir sátke de umyt qaldyrmaıtyn basylymdardyń bul qadamy salanyń jetilýine, qyzmettik tártip pen kásibıliktiń joǵarylaýyna óz yqpalyn tıgizetini aqıqat, dedi general.
Aıtsa aıtqandaı, qazaqstandyq polısııanyń oń ımıdjin qalyptastyrýda úlken ról atqaratyn basylymdar ishki ister salasy qurylymdarynyń ózara jumys tájirıbesimen almasýyna yqpal etip, ishki ister organdary qyzmetkerlerine azamattyq jáne moraldyq-adamgershilik tárbıeni sińirip keledi. Osy oraıda sóz alǵandar atalǵan basylymdar Qazaqstan Respýblıkasy ishki ister organdarynyń aqparattyq-nasıhat ortalyǵy ekenin maqtanyshpen aıtty. О́ıtkeni, Ishki ister mınıstrliginiń tynys-tirshiligi, osy saladaǵy jańalyqtar men ózgerister eń aldymen, atalǵan basylymdar arqyly taraıdy. Tártip saqshylarynyń bilim-biligin, is-tájirıbelerin jetildirýde, jaqsy isterin jarııalap kótermeleýde «Saqshy-Na straje» gazetteriniń róli joǵary.
Elimizdiń ishki ister organdarynyń beldi basylymyna aınalǵan «Saqshy», «Na straje» gazetteriniń tuńǵysh sany sonaý 1933 jyly jaryq kórgen bolatyn. О́tken ǵasyrdyń otyzynshy jyldaryndaǵy elimiz ómirindegi aýyr kezeńderde memlekettiń ishki tártibin saqtaýda mılısııa qyzmetkerleriniń eńbegi eren boldy. Olardyń jankeshti eńbegin halyqqa jetkizip otyratyn gazet alǵashynda «SAQC» – «Straj» degen atpen shyqty jáne 1960-1970 jyldary «Na straje», «Qazaqstan mılısııasy» sııaqty ataýlarmen shyqqan basylym 1982 jyldan bastap qazaqsha qosymshasyn shyǵarýǵa talpynys jasady. Qazirgi «Saqshynyń» negizin qalaýǵa sol kezde aıamaı ter tókken azamat – ishki ister salasynda uzaq jyldar qyzmet atqarǵan polkovnık Bazarbaı Isaev bolatyn. Sóıtip, tek qana orys tilinde shyǵyp kele jatqan «Na straje» gazetiniń bir betin qazaqsha shyǵarýǵa mınıstrlik alqasy 1990 jyldyń sáýir aıynda sheshim qabyldaıdy da sol jyldyń qyrkúıek aıynan bastap gazettiń bir beti qazaqsha «Saqshy» bolyp shyǵa bastady. 1992 jyldyń sáýirinen bastap gazettiń tórt beti oryssha, tórt beti qazaqsha shyqty. 1999 jyldyń 1 sáýirinen bastap «Saqshy» óz aldyna derbes basylym bolyp jaryq kórip keledi.
Ishki ister organdarynyń qyzmetin jarııalaýda baı tájirıbesi bar medıa ortalyq búgingi tańda «Saqshy», «Na straje» gazetterinen basqa, «Polısııa.kz», «Ardager» jáne «Esirtkisiz bolashaq» atty jýrnaldardyń basyn qosqan aqparattyq-nasıhattyq ortalyqqa aınalǵan. Qazir «Saqshy» aptasyna eki ret 8 jáne 16 bet bolyp shyqsa, «Na straje» gazeti de dál osyndaı kólemde jaryq kóredi.
Aleksandr TASBOLATOV,
«Egemen Qazaqstan».