Senat depýtaty Sársenbaı Eńsegenov Bilim jáne ǵylym mınıstri Ashat Aımaǵambetovpen kezdesti, dep habarlaıdy Egemen.kz.
Senator bilim berý júıesinde týyndaǵan jáne beıindi vedomstvonyń aralasýyn talap etetin birqatar mańyzdy problemalardy atap ótti. Jekeleı alǵanda, depýtat pen mınıstr mektepterdiń qashyqtan oqytýǵa daıyndyǵy, mektep dırektorlaryn rotasııalaý arqyly taǵaıyndaý, jalaqyny arttyrý jáne memlekettik satyp alýǵa qujattardy daıyndaý boıynsha muǵalimderge túsetin júktemeni alyp tastaý máselelerin talqylady. Azamattar atalǵan máselelerdiń barlyǵyn senatordyń aımaqtyq saparlary kezinde kótergen.
Ashat Aımaǵambetov vedomstvoda qoldanystaǵy zańnamaǵa birqatar ózgerister men tolyqtyrýlar jobasy daıyndalǵanyn, ol qazirdiń ózinde Parlamentke jiberilgenin jáne bul aıtylǵan máselelerdi sheshýge yqpal etetindigin aıtty.
Sondaı-aq, senator mektep psıhologtary qyzmetine qatysty týyndaıtyn máseleler týraly sóz qozǵady.
Mınıstr óz kezeginde «Pedagog mártebesi týraly» jańa zań muǵalimderdi kásibı qyzmetine qatysy joq jumysqa tartýǵa jol bermeıtinin eske saldy. Sondyqtan senator sóz etken máselelerdiń barlyǵy mınıstrliktiń turaqty baqylaýynda bolatynyn jetkizdi.