Qytaıdaǵy Iаnszy ózeni arnasynan asyp, el bıligi sý tasqynynan qorǵaný maqsatynda 100 myńnan astam adamdy qaýipsiz jerge kóshirdi. The Guardian basylymnyń habarlaýynsha, kemerinen asqan sý Sıchýan provınsııasyndaǵy Úlken Býdda eskertkishine qaýip tóndirip tur.
Kóne jádiger osydan 1200 jyl buryn salynǵan. Onyń bıikti 71 metrge jetedi. Leshan úlken Býdda dep atalatyn eskertkish IýNESKO-nyń álemdik muralary tizimine engen.
Eriktiler, polısııa qyzmetkerleri qazirgi tańda tarıhı jádigerdi qorǵap qalýǵa tyrysyp jatyr. О́ıtkeni tasyǵan sý eskertkishtiń tómengi jaǵyn kemire bastaǵan. Aımaqta sońǵy ret sýdyń munshalyqty kóbeıýi sonaý 1949 jyly tirkelipti.
Qytaı ózenderine jaýap beretin Iаnszy sý resýrsy komıssııasy qaýiptiń qyzyl deńgeıin jarııalap, ózen sýynyń 5 metrge deıin kóterilýi múmkin ekenin aıtyp dabyl qaǵyp otyr. Al sý resýrstary mınıstrliginiń habarlaýynsha, Iаnszy ózenindegi bógetterdegi sýdy jiberý kólemi sekýndyna 74 myń sharshy metrge kóbeımek.