Senat depýtaty D.Ádilbekov Kókshetaý qalasynda bolyp, jylytý maýsymyna daıyndyq máselesine nazar aýdardy.
Qazir kommýnaldyq qyzmetkerler jylý jelilerin jóndeýmen aınalysýda. 2 kómirtozańdy qazandyǵynyń beriktigi tekserildi. Magıstraldyq jáne oramishilik jylý júıeleri de tekserýden ótkizilýde.
Sondaı-aq senator jylý magıstraldarynyń qurylysy men qaıta qalpyna keltirý jumystarymen tanysty. Merdigerler jumysty merziminde aıaqtaýǵa tolyq múmkindik bar ekenin habarlady. Búginde joba 70%-ǵa aıaqtalyp tur. Kommýnaldyq jelilerdi jańartýmen qatar, Kókshetaýda turǵyn úıler, oqýshylar saraıy men jaǵalaý qurylystary júrýde.