О́nerkásip jáne órt qaýipsizdigin qamtamasyz etý máseleleri jóninde keńes ótti, dep habarlady akorda.kz.
«Qaýipsizdik Keńesiniń Apparatynda ýákiletti memlekettik organdardyń ókilderiniń qatysýymen órt jáne ónerkásip qaýipsizdigin qamtamasyz etý, sondaı-aq osy saladaǵy buzýshylyqtardyń aldyn alý máseleleri boıynsha keńes ótti.
Keńes qorytyndysy boıynsha qaýipti hımııalyq zattardyń, janǵysh jáne jarylys qaýpi bar materıaldardyń aınalymdaryna tartylǵan, qaýiptiligi joǵary obektilerde, sondaı-aq turmystyq qatty qaldyqtar polıgondarynda órt jáne ónerkásip qaýipsizdigin qamtamasyz etý boıynsha naqty tapsyrmalar berildi.
Adamdar jappaı jınalatyn oryndarda, gaz-tehnıkalyq jumystar óndirisinde, sondaı-aq medısınalyq mekemelerde ottegimen jaraqtandyrýdy paıdalaný kezinde órt qaýipsizdigin qatamasyz etý boıynsha profılaktıkalyq jumystar júrgizýge asa nazar aýdarylýy tıis ekeni aıtyldy.