Balyǵy taıdaı týlaǵan sýly, nýly ólke – Qorǵaljynda forel balyǵyn ósiretin aýqymdy keshenniń qurylysy bastalmaq, - dep habarlaıdy Egemen.kz.
Joba AQSh-tyń "AGSO Corporation" kompanııasynyń ınvestısııasy esebinen júzege asyrylmaqshy. Jabyq tıptegi bolashaq keshenniń qurylysyn júrgizý úshin 100 gektar jer telimi bólingen. Topografııalyq túsirilimi men ártúrli saraptaý jumystary júrgizilgen. Joba júzege asyrylǵannan keıin baǵaly forel balyǵynyń jylyna 500 tonnasy óndiriletin bolady.
"Alǵashqy transh bólindi. Búgingi tańda nysannyń qurylys jumystarynyń barysy kelisilip, elektr jelisi tartylýda. Joba 2021 jyldyń ekinshi toqsanynda tolyqtaı júzege asyrylady" , –deıdi "Taga Group" jaýapkershiligi shekteýli seriktestiginiń dırektory Serik Tánkıev.
Qorǵaljyn – faýna men floraǵa baı óńir. Balyqty kólderi de kóp. Endi ózderinde ósiriletin forel balyǵymen de maqtana alady. Aıtpaqshy, baǵaly balyq ósirýmen qatar, oblystyń birneshe eldi mekenderinde balyq satatyn saýda núkteleri de ashylmaq.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.