Máskeý qalasynda Armııa halyqaralyq oıyndary men «Armııa-2020» forýmynyń saltanatty ashylý rásimi ótti. Oǵan Qorǵanys Mınıstriniń birinshi orynbasary – QR QK Bas shtabynyń bastyǵy general-leıtenant Murat Bektanov qatysty.
Reseı Prezıdenti Vladımır Pýtın oıyndar men forýmnyń qonaqtary men qatysýshylaryna arnaǵan beıne úndeýinde osy is-sharalardyń mańyzdylyǵy men tanymaldylyǵyn atap ótti.
Reseı Federasııasynyń Premer-Mınıstri Mıhaıl Mıshýstın óz sózinde forýmnyń aýqymyn jáne ınnovasııalar men sıfrlyq tehnologııalardy qoldanýdy eskere otyryp óndirilgen ónimniń edáýir ósýin atap ótti.
Qatysýshy elderdiń joǵary qonaqtarynyń qatysýymen «Armııa halyqaralyq oınydary - 2020» forýmyn Reseıdiń Qorǵanys mınıstri armııa generaly Sergeı Shoıgý ashty. Resmı nyshan – Armııa halyqaralyq oıyndarynyń týy kóterildi, al ulttyq tý astyndaǵy jarysqa qatysýshylar kórermender aldynda saltanatty marshpen ótti.
32 el qatysatyn 2020 jylǵy Armııa halyqaralyq oıyndary, 30 baıqaýdan turatyn saıysta eń myqtylardy anyqtaıdy.
Sanıtarlyq-epıdemıologııalyq jaǵdaıǵa jáne elde qabyldanǵan sharalarǵa baılanysty Qazaqstan bıylǵy jyly tek bir ǵana baıqaýǵa «Tank bıatlonyna» qatysady, ol eń kórnekti, ókildi jáne bedeldi bolyp tabylady. Qazaqstandyq tankıst mamandar 25 tamyzda jeke jarysta óner kórsetetin bolady. Oıyn 5 qyrkúıekte aıaqtalady.