Kardıologııa jáne ishki aýrýlar ǵylymı-zertteý ınstıtýtynyń psıhoterapevti Rashıd Azızovtyń aıtýynsha, koronavırýs pandemııasy tán densaýlyǵyna qaýip tóndirgennen basqa mentaldyq densaýlyq salasyndaǵy problemalarǵa da túrtki bolyp, halyqtyń úreıin arttyrdy.
Úreılený mıda qozý oshaǵyn qurýǵa qabiletti bolady da, bul jumyldyrý vegetatıvtik prosesterin belsendendire otyryp, júıke júıesiniń belgili bir qurylymy arqyly aǵzada kúızelis gormondarynyń kaskadtyq shyǵarylýyna jol beredi. Nátıjesinde túrli kúızelis reaksııalary týyndaıdy. Olar ártúrli kórinistermen, ıaǵnı ómir súrý sapasyn tómendetýge áser etetin jeńil úreılený kúıinen bastap baıbalam salýǵa deıin, al keıde adamnyń beıimsizdikke shaldyǵý prosesine deıin áser etýimen aıqyndalady.
Sozylmaly kúızelis psıhosomatıkalyq buzylýlardyń, onyń ishinde júrek-qantamyr júıeleriniń patologııasyn aıqyndap, damýyna ákeledi. Onyń psıhoemosııalyq jaǵdaıdyń kúsheıýimen bolatyn sebep-saldar baılanysy kóptegen ǵylymı-zertteýde kórsetilgen.
Serýendeý, sportpen aınalysý, beıindi mamandarǵa qaralý sekildi kúızelispen kúresýdiń ádettegi tásilderinen basqa emosııalyq kúızelis reaksııalary salasyndaǵy dıagnostıkalaý men túzetýdiń jeke ádistemesiniń avtory Rashıd Azızov kúızelisti meılinshe óz betinshe jeńip shyǵýdy jáne ózinshe retteý daǵdylaryn meńgerýdi usynady. Sozylmaly kúızelis adamnyń psıhıkalyq jáne fızıologııalyq múmkindikterine kúsh salady, osynyń nátıjesinde aǵza ózine berilgen júktemelerge shamasy kelmeı qalady.
«Biz barlyq kúızelis faktorlarynan tolyǵymen qutyla almaımyz. Osy sekildi resýrstar taýsylmas úshin týyndaǵan artyq kúsh jumsaýshylyqty únemi kúızeliske qarsy is-sharalarmen azaıtyp otyrý qajet», deıdi Rashıd Azızov.
Búginde adamdarǵa arnalǵan túrli ádistemelerdiń keń túri bar, atap aıtqanda, relaksasııanyń túrli ádisteri, tynys alý praktıkasy, massaj, túrli spa-prosedýralar túrindegi fızıoterapevtik prosedýralar, medıtasııa jáne t.b.
Qajet bolǵan jaǵdaıda psıhoterapııa nemese psıhologııa salasyndaǵy beıindi mamandarǵa qaralǵan jón.