Álemge áıgili Goal basylymy fýtboldan ÝEFA Chempıondar lıgasynyń bıylǵy maýsymynyń qorytyndysy boıynsha shartty quramanyń tizimin jarııa etti, - dep habarlaıdy Egemen.kz.
Osydan birer kún buryn ǵana Portýgalııanyń Lıssabon qalasynda ótken fınaldyq matchta Mıýnhenniń «Bavarııasy» Fransııanyń PSJ klýbyn 1:0 esebimen utyp, qart qurlyqtaǵy eń beldi jarystyń bas júldeni oljalaǵany belgili. Germanııada irgetasy qalanǵan sol ataqty komandanyń segiz birdeı saıypqyrany úzdikter qatarynan kórindi. Jáne de «Borýssııa» (Dortmýnd), «RB Leıpsıg», PSJ-nyń bir-bir oıynshysy sondaı qurmetke bólendi. Al ÝEFA Chempıondar lıgasynyń shartty quramyna engen fýtbolshylardyń tolyq quramy mynadaı:
Qaqpashy – Manýel Noıer («Bavarııa»). Qorǵaýshylar – Iozýa Kımmıh («Bavarııa»), Davıd Alaba («Bavarııa»), Daıo Ýpamekano («RB Leıpsıg»), Alfonso Devıs («Bavarııa»). Jartylaı qorǵaýshylar – Serj Gnabrı («Bavarııa»), Tıago Alkantara («Bavarııa»), Tomas Mıýller («Bavarııa»). Shabýylshylar – Erlıng Holand («Borýssııa» D), Robert Levandovskı («Bavarııa») jáne Neımar («PSJ»).
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.