Túrkistan ıdeıasy – uly ıdeıa. Túrkistanda ótken "Túrkilerdiń tóri Túrkistan" onlaın konferensııasynda sóz alǵan Túrki akademııasynyń prezıdenti, "Egemen Qazaqstan" gazeti AQ-nyń basqarma tóraǵasy Darhan Qydyráli osyndaı pikir aıtty, - dep habarlaıdy Egemen.kz.
"Túrkistannyń osydan eki jyl buryn oblys ortalyǵy mártebesin alǵan kezde búkil túrki álemi qýandy. Túrkistannyń damýyna Prezıdentimiz de erekshe mán berip otyr. Ertúriktiń besigi jalpy túrki áleminiń besigi", – dedi ol.
Osy konferensııada Halyqaralyq Túrki akademııasy jaryqqa shyǵarǵan Halyqaralyq Alash syılyǵynyń laýretaty, jazýshy Marhabat Baıǵuttyń "Túrkiler tóri Túrkistan" atty kitaby tanystyryldy. Kitaptyń alǵys sózin Darhan Qydyráli jazǵan. Ál-Farabı, Iаsaýı syndy adamzat aýqymyndaǵy alyptardyń tabany tıip, iri rýhanııat pen mádenıettiń besigi bolǵan kıeli óńirdiń tarıhy men taǵylymyn arqaý etken qalamgerdiń bul shyǵarmasyn túgel túrkiniń tórine aınalǵan kıeli Túrkistanǵa taǵylymdy tartý bolmaq.
Kitaptyń qundylyǵy, eldiń, jerdiń, Túrkistannyń qasıetin tanytýdaǵy mańyzy týraly týraly Halyqaralyq qazaq-túrik ýnıversıtetiniń prezıdenti Bolatbek Ábdirásilov, QR Jazýshylar odaǵy basqarma tóraǵasynyń orynbasary Baýyrjan Jaqyp ta atap ótti.
Aıta keteıik, búgin Túrkistan oblystyq qoǵamdyq damý basqarmasynyń qoldaýymen, Qazaqstan Jýrnalıster odaǵy jáne Jazýshylar odaǵynyń Túrkistan oblystyq fılıaldarynyń birlese uıymdastyrýymen Túrkistan qalasynda "Túrkiler tóri Túrkistan" onlaın konferensııasy ótti. Atalǵan sharaǵa elimizdiń túkpir-túkpirinen 300-den astam adam onlaın júıesi arqyly qatysty.
Túrkistan óńirindegi tarıhı mańyzy bar qasıetti jerlerdi nasıhattaýdaǵy ádebı shyǵarmalardyń róli, múmkindikteri men áleýetin jan-jaqty talqylaý, qasterli qundylyqtarymyzdy kópshilik aýdıtorııaǵa ádebı, tarıhı jáne pýblısıstıkalyq turǵyda jetkizýdiń tyń joldaryn qarastyrý taqyrybynda ótken konferensııa, "Alash" syılyǵynyń ıegeri Marhabat Baıǵuttyń 75 jyldyq mereıtoıymen tuspa-tus keldi. Elimizge belgili ǵalymdar, qalamgerler, Senat, Májilis, Túrkistan oblystyq máslıhatynyń depýtattary, oblys ákiminiń orynbasary Sáken Qalqamanov, aýdan, qala ákimderi, sondaı-aq, Túrkııa, Ázirbaıjan, О́zbekstan elderiniń jazýshylary, ádebıettanýshylary qatysyp, sóz sóılegen konferensııada Túrkistannyń tarıhyna, onyń mán-mańyzyna qatysty qundy pikirler aıtyldy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.