Jyl basynan beri SQO-nyń Kóshi-qon qyzmeti ǵana azamattarǵa 68617 memlekettik qyzmet kórsetti. Bul halyqtyń memlekettik qyzmetke júginýi jyldan jalǵa arta túskenin kórsetedi. Sonyń ishinde qyzmetterdiń basym bóligi elektrondy túrde jasalǵan, - dep habarlaıdy Egemen.kz.
Memlekettik qyzmetterdi qajet etken oblys turǵyndary negizinen «Azamattarǵa arnalǵan úkimet» memlekettik korporasııasyna júginedi. Qyzmetterdiń basym bóligi elektrondy formatta kórsetiledi, zamanaýı gadjetterdi paıdalana qoımaıtyn aǵa býyn ókilderi kóp jaǵdaıda qaǵaz túrindegi qyzmetke júginedi.
«Kóshi-qon jelisi boıynsha suranysqa ıe memlekettik qyzmetterge Qazaqstan azamattaryn jeke tulǵany kýálandyratyn qujatpen qujattandyrý, sondaı-aq turǵylyqty jeri boıynsha tirkelý jáne esepten shyǵý jatady, - dep atap ótti SQO PD bastyǵynyń birinshi orynbasary polısııa polkovnıgi Qanat Aıtbaev. «Kez-kelgen adam «Elektrondy úkimet» portalynda turǵylyqty jeri boıynsha ózi tirkele alady. Ol úshin bar bolǵany ınternetke qosylǵan kompıýter men elektrondy-sıfrlyq qoltańba qajet. Jyl basynan tólqujat, jeke kýálik pen mekenjaıǵa tirkelýdi 57 myńnan astam soltústikqazaqstandyq resimdedi».
Qujat resimdeý rásimderi qyzmettiń barynsha jyldam jáne tıimdi kórsetiletinindeı jasalǵan. Adamdarǵa yńǵaıly jaǵdaı jasaý, qol jetimdilik – kóshi-qon qyzmetiniń jumysyndaǵy negizgi basymdyqtar. Front-ofısterde «bir tereze» qaǵıdaty, zamanaýı servıstik qyzmet kórsetý modeli júzege asyryldy. Jalpy kóshi-qon qyzmeti memlekettik qyzmetterdiń 15 túrin kórsetedi.