Erteń Almaty qalasynyń eki aýdanynda ýaqytsha sýyq sý bolmaıdy. Bul týraly Egemen.kz "Almaty sý" kompanııasyna silteme jasap habarlaıdy.
"Almaty sý" kompanııasynyń málimetine sáıkes, 27 tamyzda saǵat 09.00-den 20.00-ge deıin Jetisý aýdanyndaǵy Aınabulaq-4 yqshamaýdany aýmaǵynda ornalasqan turǵyn úıler men ákimshilik ǵımarattarǵa sýyq sý berý toqtatylady.
"Sýyq sýmen jabdyqtaý qyzmeti boıynsha shekteýler engizý magıstraldyq jelilerge jańa sý qubyrlaryn qosý úshin qajet", - delingen habarlamada.
Sondaı-aq 27 tamyzda saǵat 09.00-den 20.00-ge deıin Áýezov aýdanyndaǵy Zapadnaıa, Vıshnevaıa, Grýshovaıa, yqylas, Taýgúl-3 yqshamaýdany kóshelerindegi turǵyn úıler men ákimshilik ǵımarattarǵa sýyq sý berý ýaqytsha toqtatylady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.