Karantın kezinde sanıtarlyq-epıdemııalyq normalardyń buzylýyn anyqtaý boıynsha reıdtik is-sharalar barysynda Otyrar APB polıseıleri birden eki úılený toıyn toqtatty. Bul týraly Polisia.kz-ke silteme jasaı otyryp Egemen.kz habarlaıdy.
Anyqtalǵandaı, Aqtóbe aýylynyń eki turǵyny úılerine 30-40 shaqty qonaqtar shaqyryp, týystarynyń qatysýymen "betashar" is-sharasyn uıymdastyrǵan. Tártip saqshylary tártip buzýshylarmen túsindirý jáne aldyn alý áńgimelerin júrgizdi.
Qazirgi ýaqytta toı jasaýshy eki turǵynǵa qatysty QR ÁQBtK-niń 425-baby (Halyqtyń sanıtarlyq-epıdemııalyq salaýattylyǵy salasyndaǵy zańnama talaptaryn, sondaı-aq gıgıenalyq normalardy buzý) boıynsha ákimshilik hattama toltyryldy. Jınaqtalǵan materıaldar zańdy sheshim qabyldaý úshin tıisti organǵa (SES-ke) jiberildi.
О́tken karantın kezeńinde Túrkistan oblysynyń PD-niń polıseıleri karantın rejımin buza otyryp, úılený jáne otbasylyq saltanattardy ótkizýdiń 86 jaıtyn anyqtady. Tártip saqshylary oblys turǵyndaryn karantın rejıminiń talaptaryn saqtaýǵa, ásirese dúkenderge, bazarlarǵa jáne adamdar kóp jınalatyn basqa jerlerge barǵanda betperdelerdi mindetti túrde kııýge jáne áleýmettik qashyqtyqty saqtaýǵa shaqyrady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.