Prezıdent Qasym-Jomart Toqaev "Ulttyq ǵylymı medısına ortalyǵy" AQ basqarma tóraǵasy Abaı Baıgenjındi qabyldady, - dep habarlaıdy Egemen.kz Aqordanyń baspasóz qyzmetine silteme jasap.
Abaı Baıgenjın Qasym-Jomart Toqaevqa Ulttyq ǵylymı medısına ortalyǵy atqarǵan jumystardyń qorytyndylary týraly baıandady.
Basqarma tóraǵasynyń aıtýynsha, ortalyq qurylǵannan beri 174 myń adam emdelip shyqqan. 81 myń azamattyń júregine ota jasalǵan. 61,5 myń naýqasqa jalpy ota jasalyp, emdelgen. Onyń 70% jańa tehnologııalarmen ota jasalǵan. Abaı Baıgenjın otany jańa tehnologııalarmen jasaý arqyly adam aǵzalaryn saqtap qalýǵa múmkindik bar ekenin aıtty. Sonymen qatar osyndaı ota jasaýdyń arqasynda kóptegen ǵylymı-zertteý jumystarynyń júrgizilgenin jetkizdi. Budan bólek Ulttyq ǵylymı medısına ortalyǵy onkologııalyq aýrýlarǵa shaldyqqan naýqastardy emdep, 477 adamnyń qulan-taza aıyǵyp ketýine septigin tıgizgen. Basqarma tóraǵasy pandemııa kezinde koronavırýs juqtyrǵan azamattardy emdegenderin de atap ótti.
Kezdesý sońynda Memleket basshysy ortalyqtyń halyq densaýlyǵyn saqtaýda úlken jumys atqaryp jatqanyn aıtyp, aldaǵy qyzmetterine tilektestik bildirdi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.