"Astana" komandasynyń basshylary bas bapker Mıhal Bılekpen kelisimshartty buzdy, dep habarlaıdy Egemen.kz.
Endi komandanyń bas bapkeri qyzmetin ýaqytsha Pol Eshýort atqaratyn bolady. Ol "Pıterboro" (Anglııa), "Ventspıls", "Rıga", "Skonto" (vse - Latvııa), "Rostov" (Rossııa), "Sanshaınz Stars" (Nıgerııa) sekildi komandalarda bas bapkerlik qyzmet atqarǵan. Sonymen qatar Eshýortta "PRO" bapkerlik kategorııasy da bar. Birneshe komandany eýrokýbok oıyndaryna bastap shyqqan. Ol ÝEFA aıasynda ótetin týrnırlerde 30 shaqty kezdesýde bapker bolǵan. Aıta keteıik, 55 jastaǵy Bılek "Astana" tizginin qańtar aıynda ustady. Ol ýkraınalyq maman Roman Grıgorchýktiń ornyna kelgen edi. Sondaı-aq cheh mamany Qazaqstan quramasynyń da bas bapkeri. Bul bapkerdiń bastamasymen Qazaqstan quramasy Eýro-2020 irikteý týrnırinde besinshi oryn alsa, "Astanamen" ol Qazaqstan sýperkýbogin jeńip aldy.Eske salaıyq, 18 tamyz kúni "Astana" Belarýs jerinde Chempıondar lıgasynyń birinshi irikteý kezeńinde "Dınamo-Bres" komandasyna qarsy kezdesý ótkizip, 3:6 esebimen jeńilip qaldy. Endi elordalyq komanda Eýropa lıgasynda oınaıdy.25 tamyz kúni "Astana" Qazaqstan Premer-lıgasynda birinshi ret jeńildi. Almatyda ótken oıyndar Bılektiń komandasy qostanaılyq "Tobyldan" 2:0 esebimen utyldy. Osylaısha "Astana" kósh bastap kele jatqan "Qaırattan" alty upaıǵa qalyp ketti.