Jelezın aýdanynda jyl basynan bastap tártip saqshylarymen kámeletke tolmaǵandardyń túngi ýaqytta úıden tys jáne kóńil kóterý oryndarynda júrgeni úshin 64 zańdy ókil ákimshilik jaýapkershilikke tartyldy. Bul týraly Polisia.kz-ke silteme jasaı otyryp Egemen.kz habarlaıdy.
Jelezın aýdanynyń ıývenaldyq polısııa qyzmetkerleri kúrdeli másele týǵyzatyn mekenjaılarda tekseristerdi kúsheıtti. Basty nazarda – polısııa esebinde turǵan kóp balaly otbasylar men ata-analar. Kámeletke tolmaǵandar isi jónindegi ýchaskelik polısııa ınspektorlary balalardyń ómir súrý jaǵdaıyn tekserip, quqyq buzýshylyqtar boldyrmaý maqsatynda profılaktıkalyq áńgimeler ótkizdi. Iývenaldyq polısııa qyzmetkerleriniń mindeti – jasóspirimder tarapynan qylmystar men quqyq buzýshylyqtardyń aldyn alý.
– Sátsiz otbasylardy anyqtaý boıynsha reıdtik sharalar júrgiziledi. Sátsiz otbasy sanatynda turǵan otbasylar udaıy baqylaýda. Qylmystyq, qylmystyq-prosessýaldyq, ákimshilik kodeks talaptaryn jetkizemiz, – dedi óz sózinde Jelezın aýdany PB kámeletke tolmaǵandar isi jónindegi aǵa ýchaskelik polısııa ınspektory Almagúl Baltabaeva.
Jyl basynan bastap tártip saqshylarymen kámeletke tolmaǵandardyń túngi ýaqytta úıden tys jáne kóńil kóterý oryndarynda júrgeni úshin 64 zańdy ókil ákimshilik jaýapkershilikke tartyldy. Bala tárbıesinde óz mindetin atqarmaǵany úshin toǵyz ata-ana jaýapqa tartylǵan. Bes sátsiz otbasy esepke qoıylǵan.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.