Batys Qazaqstan oblysynda "Ashyq ákimdik" jobasy aıasynda memlekettik qyzmetterdi alýǵa arnalǵan taǵy bir alań ashyldy. Bul týraly Habar 24-ke silteme jasaı otyryp Egemen.kz habarlaıdy.
Endi Tasqala aýdanynyń turǵyndary úshin memlekettik qyzmetti yńǵaıly formatta jáne kezeksiz alýǵa múmkindik týdy. Aýdan ortalyǵynda Halyqqa qyzmet kórsetý ortalyqtarynyń jumysy boıynsha turǵyn úı-kommýnaldyq sharýashylyǵy, jer qatynastary, qarjy bólimderi men AHAJ qyzmetin alýǵa bolady. О́ńirde jyl basynan berý eki myńnan astam memlekettik qyzmet kórsetildi.
Azamattar arasynda áleýmettik tólemderdi alý, kommýnaldyq tólemderdi óteý, elektrondy sandyq qoltańba alý qyzmetteri keń taraǵan. Búginde Tasqala aýdanynda "Ashyq ákimdik" qaǵıdaty boıynsha bes qurylym jumys isteıdi. Olardyń úsheýi aýyldyq jerlerde ornalasqan. Beksultan Bısalıev, Tasqala aýdany ákimdigi apparatynyń bólim basshysy: "Elektrondyq sıfrlyq qoltańba alý óte qıyn keıbir azamattar úshin, múmkimdigi, ınterneti, kompıýteri. Sondyqtan biz osy jerde ózimizdiń qyzmet kórsetý sektorynda elektrondyq sıfrlyq qoltańbany onlaın túrde turǵyndar úshin alyp berip otyrmyz", deıdi ol.
Birjan Haırýllın, sybaılas jemqorlyqqy qarsy BQO departamenti prevensııa jáne parasattylyq basqarmasynyń basshysy: "Prezıdenttiń tapsyrmasyna sáıkes aǵymdyǵy jyly kórsetiletin memlekettik qyzmetterdiń 90% elektrondyq túrge kóshý kerek, qalǵany osy "Elektrondy úkimet", eGov portaly, halyqqa qyzmet kórsetý ortalyqtary jáne osy jańa aıtqandaı "Ashyq ákimdikter". Iаǵnı bul jerde halyqtyń arasyna qyzmet kórsetýshi men qyzmet alýshynyń tikeleı baılanysy bolmaıdy. Biz turmystyq jemqorlyqty joıamyz", deıdi basqarma basshysy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.