Atyraý oblysynyń Qurmanǵazy aýdandyq polısııa bólimine aýdandyq mektep dırektorlarynyń biri mektepte urlyq faktisi oryn alǵany jóninde aryzdanady, dep habarlaıdy Egemen.kz
Mektep dırektorynyń aıtýynsha, belgisiz bireýler mamyr men tamyz aralyǵynda mektepten eki dana "ACER" noýtbýgi men bir dana proektor qurylǵysyn urlanǵan.
Dereý izdestirý jumystaryna kirisken Atyraý oblystyq polısııa departamentiniń qyzmetkerleri mektep múlkin jymqyrǵan er adamdy qolǵa túsiredi. Polısııa qyzmetkerlerimen jedel is-shara barysynda mektepke tıesili tehnıkalyq quraldardy jymqyrǵan kúdiktiniń jeke-basy anyqtaldy. Ol 1996 jyly týǵan qala turǵyny bolyp shyqty. Kúdiktige "eshqaıda ketpeý jáne ózin ózi durys ustaý" sharasy sanksııalanyp, aıǵaq zattar tárkilenip alyndy. Qazirgi tańda atalǵan fakti boıynsha sotqa deıingi tergeý amaldary QR QK 188 babynyń 1-bóligimen júrgizilýde.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.