26 tamyz kúni 16 saǵat 23 mınýtta Qazaly aýdany №9 órt sóndirý bólimniń baılanys beketine «Shymkent-Samara» tas jol boıynda ornalasqan «Arzan» kesheniniń mańynda júk kóliginiń órtenip jatqandyǵy jóninde habar túsken.
Oqıǵa barysynda anyqtalǵandaı, Qazaly aýdany, Áıteke bı kenti Samara-Shymkent trassasynyń 1479 shaqyrymynda Armenııa Respýblıkasynan Almaty qalasyna baǵyt alǵan «IVECO» júk avtokóligine tıelgen plıntýstar aıaq asty janǵan. Oqıǵa ornyna №9 órt sóndirý bóliminiń 4 qyzmetkeri dereý jetip, kóliktiń tolyq janýyna jol berilgen joq. Olar órtti 16 saǵat 38 mınýtta oqshaýlap, 17 saǵat 00 mınýtta tolyq sóndirdi. Avtokólik ıesi 1951 jyly týylǵan Armenııa Respýblıkasynyń azamaty ekendigi órt sóndirýshilerge alǵysyn jetkizdi.
Qazir órttiń shyǵýy sebebi men shyǵyny anyqtalýda.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.