Bul týraly oblystyq polısııa departamentiniń baspasóz qyzmeti málim etti.
«23-30 tamyzda aralyǵynda «Taza Qazaqstan» jedel-aldyn alý is-sharasy ótkizilip jatyr. Maqsat – tabıǵat qorǵaý zańdylyǵyn buzǵandardy anyqtaý. Qurmanǵazy aýdandyq polısııa bólimi men aýdandyq orman sharýashylyǵy jáne janýarlar dúnıesi ınspeksııasy birlese ótkizgen reıd kezinde Qıǵash ózeninde «Iаmaha» markaly motory bar «Býdarka» qaıyǵy tekserildi. Ony Prımorsk aýyldyq okrýginiń turǵyny júrgizip kele jatqan. Polıseıler qaıyqtaǵy alty jolaýshydan Qyzyl kitapqa engen 8 lotosgúlin tapty. Týrıster Atyraýdan Qurmanǵazy aýdanyna gúldengen lotosty tamashalaý úshin arnaıy kelgen. Tártip buzýshylar jazalanady», – dep habarlady oblystyq polısııa departamentiniń baspasóz qyzmeti.
Lotos gúli elimizdiń ózge óńirinde kezdespeıdi. Sırek kezdesetin bul gúl Qurmanǵazy aýdanyndaǵy Qıǵash penShora ózenderinde ósedi. Gúl ósken aýmaq 5 myń gektardy quraıdy.