Elordalyq polısııa qyzmetkerleri baspana alýǵa kómektesemin dep ýáde etken alaıaqty ustady, dep habarlaıdy Egemen.kz
Polısııa qyzmetkerlerimen ustalǵan elorda turǵyny aqysyna baspana alýǵa kómektesemin dep ýáde etken.
Jábirlenýshilerdiń biri baspanaǵa qujattardy tezdetip resimdeımin degenine senip, oǵan 100 myń teńge tólegen. Búgingi tańda kórsetken qyzmeti úshin oǵan aqsha tólegen 22 elorda turǵyny anyqtaldy. Memlekettik baǵdarlama boıynsha páter alý úshin kezekke turýǵa kómektesetin Nur-Sultan qalasynyń ákimdiginde tanystary bar ekendigi týraly óziniń áńgimelerimen úı alýǵa nıettengenderdi kóndirgen. Budan basqa, qosymsha aqy tólese kezegin jyljytyp berýge ýáde etken. Jábirlenýshiler qyzyǵýshylyq tanytyp, týystary men dostaryn tarta bastaǵan.
Qazirgi kezde kúdiktiniń áreketinen zardap shekkenderdi anyqtaý boıynsha tergeý amaldary jalǵastyrylýda. Tergeý barysynda polısııa qyzmetkerleri áıel adamnyń qalalyq ákimdikke eshqandaı qatysy joq, al páter alýǵa kómektesetin tanystardy ózi oılap tapqanyn anyqtady.
Qazirgi kezde atalǵan fakti boıynsha QR QK 190-baby boıynsha qylmystyq is qozǵaldy. Ustalǵan áıel adam ÝUI-ǵa qamaýǵa alyndy. Tergeý amaldary júrgizilýde.
Atalǵan tulǵanyń áreketinen zardap shekken jaǵdaıda Beıbitshilik,19 mekenjaıy boıynsha Nur-Sultan qalasy Polısııa departamentine júginýdi nemese 71-66-40, 71-66-33, 71-66-76, 71-66-10, 8-701-239-60-00 telefondaryna qońyraý shalýdy suraımyz.