Krossfıttiń ne ekenin kóp adamdar bile bermeıdi. Ol órtsóndirýshilerdiń kópsaıysy. Kópsaıys Qazaqstan Konstıtýsııasynyń 25 jyldyǵyna arnaldy, dep habarlaıdy Egemen.kz.
Krossfıtke Soltústik Qazaqstan TJ departamentiniń barlyq bólinisterinen komandalar qatysty. Olar baǵdarlama boıynsha 13 túrli kúrdeli jattyǵýlar boıynsha jarysty. Sonyń ishinde 24 kg girlerdi birneshe ret kóterý, sý shlangylaryn súırete júgirý, aýyr avtomobıl dóńgelekterin tóńkerý, gaz balondaryn alysqa jetkizý, zardap shegýshiniń ornyna qoldanylǵan manekenderdi tasymaldaý, tipti avtomobılderdi 40 metrge deıin súıreý jáne t.b. boldy.
Tartysty kúreste jeke esep boıynsha eń myqty jáne shydamdy bolyp Petropavl qalasyndaǵy №2 órtsóndirý bóliminiń qutqarýshysy Arman Nurpeıis tanyldy. Ekinshi oryndy Aqjar aýdanynyń ókili Rýslan Mustafın jáne úshinshi júldeli oryndy №2 órtsóndirý bóliminiń taǵy bir ókili Jandos Qazken ıelendi. Komandalyq esep boıynsha da Petropavldyń №2 órtsóndirý bólimi jeńimpaz boldy.
Barlyq jeńimpazdarǵa jáne qatysýshylarǵa júldeler berildi jáne olardy SQO TJ departamenti bastyǵynyń mindetin ýaqytsha atqarýshy, azamattyq qorǵanystyń aolkovnıgi Nurlan Atyǵaev pen ardagerler keńesiniń tóraǵasy Saǵynbaı Ýálıev quttyqtady.
QYZYLJAR