Aldaǵy oqý jylynda bakalavr stýdentteriniń oqý barysy qalaı júzege asatynyn Bilim jáne ǵylym mınıstrligi Telegram kanalynda málimdedi, dep habarlaıdy Egemen.kz
Bakalavrıat. 1 kýrs
Kúzgi semestr qashyqtan oqytý formatynda uıymdastyrylady. Oqý 1 qyrkúıekte bastalady. Bul kúni barlyq is-sharalar onlaın rejımde ótedi. 1 kýrs stýdentteri úshin 24 tamyzdan bastap JOO saıasatymen jáne qashyqtan oqytý formatymen tanysý úshin onlaın-rejımde baǵdarlaý aptalyǵy ótkizilip jatyr.
Oqý quraldary jáne Internetke qosylý múmkindigi joq shalǵaıdaǵy óńirlerde turatyn bilim alýshylar úshin jataqhanalarda oryn bólinip, kompıýterler berý kózdelgen. Olar oqý korpýstaryna barmaı-aq qashyqtan oqı alady.
Bakalavrıat. 2-4 kýrs
2-4 kýrs stýdentteri úshin oqý 1 qyrkúıekte bastalady. 20 tamyzdan bastap joo-lar óz stýdentteri úshin tanystyrý onlaın-kezdesýlerin ótkizip jatyr.
Oqytýdy pedagogıkalyq, gýmanıtarlyq, áleýmettik jáne IT-baǵyttar boıynsha tolyq qashyqtan oqytý formatyna kóshirý usynylady. Jaratylystaný ǵylymdary, tehnıkalyq, aýyl sharýashylyǵy, densaýlyq saqtaý jáne óner sııaqty baǵyttar boıynsha oqytýdyń aralas formaty kózdelgen. Dárister men semınarlar onlaın-formatta ótedi. Zerthanalyq, praktıkalyq jáne stýdııalyq sabaqtar kampýs aýmaǵynda qazan aıynan keıin bastalady.
Oflaın rejimde ótkiziletin pánder týraly aqparat alý úshin stýdentter joǵary oqý oryndaryna habarlasý kerek. Oqý quraldary jáne Internetke qosylý múmkindigi joq shalǵaıdaǵy óńirlerde turatyn bilim alýshylar úshin jataqhanalarda oryn bólinip, kompıýterler berý kózdelgen. Olar oqý korpýstaryna barmaı-aq qashyqtan oqı alady.