Áleýmettik medısınalyq saqtandyrý qorynyń Nur-Sultan qalasy boıynsha fılıaly 2020 jyldyń 1 qazanyna deıin MÁMS úshin jarna tóleýden, aýdarym jasaýdan bosatylǵan qaladaǵy shaǵyn jáne orta bıznes sýbektileriniń qaramaǵyndaǵylar júıede medısınalyq saqtandyrylǵan mártebesin saqtap qalýy úshin ár aıdyń 25-ne deıin jumyskerleri týraly málimetti jańartyp otyrýy qajettigin eske salady.
2020 jylǵy 20 tamyzdaǵy jaǵdaı boıynsha Nur-Sultan qalasyndaǵy jarnalar men aýdarymdardy tóleýden bosatylǵan kásiporyndar jumyskerleriniń 64,8%-nyń aqparattary jańartylmaǵan. Eger jumys berýshi derekterdi engizbese, qyrkúıek aıynda ShOB qyzmetkerleriniń bir bóligi júıede saqtandyrylmaǵan bolýy múmkin degen qaýip bar.
«Elordamyzdyń shaǵyn jáne orta bıznes sýbektilerindegi jumys berýshiler óz qyzmetkerleri úshin jaýapty ekenderin túsinýi qajet. Olardan osy kásiporyndardaǵy qyzmetkerler saqtandyrylyp, MÁMS júıesinde barlyq qajetti medısınalyq kómekterdi alýy úshin jumyskerleriniń tizimderin únemi jańartyp otyrýyn suraımyz. Osy baǵytta «Atameken» UKP, Memlekettik kiris komıteti jáne olardyń aımaqtardaǵy uıymdarymen birlese otyryp, aqparattyq-túsindirý jumystaryn júrgizýdemiz», deıdi «Áleýmettik medısınalyq saqtandyrý qory» KeAQ Nur-Sultan qalasy boıynsha fılıaly dırektorynyń orynbasary Aınagúl Dáýletshına.
Esterińizge sala keteıik, algorıtmge sáıkes jumys berýshi ár aıdyń 25-ne deıin myna siltemege https://msb.fms.kz/login ótip, BSN boıynsha tizimnen óz uıymyn taýyp, zańdy tulǵanyń nemese jeke kásipkerdiń ESQ kómegimen Qordyń aqparattyq júıesine tirkelip, paıdalanýshy kelisimine qol qoıýy kerek. Budan ári MÁMS tólemderin tóleýden bosatylǵan qyzmetkerlerdiń JSN-in (Excel-de bir faılmen nemese ár qyzmetkerdi jolma-jol) qosady. Keıinnen derekterdi qaıta engizýdiń qajeti joq, ony tek jańartyp otyrý kerek. Aqparat aı saıyn Memlekettik kirister komıtetine beriledi.
Eger shaǵyn jáne orta bıznes sýbektisiniń qyzmetkeri óz mártebesiniń saqtandyrylmaǵanyn bilse, onda ol derekterdi Qoldau 24/7 mobıldi qosymshasy arqyly ózi jibere alady. Elektrondy mekenjaıyn, tegin, JSN, telefon nómirin kórsete otyryp, ShOB sýbektisiniń ataýyn, jumys berýshiniń BSN/JSN-in kórsete otyryp, ótinishti resimdeý jáne eńbek shartyn nemese taǵaıyndaý týraly buıryqty qosa tirkeý qajet. Derekter sáıkestigi rastalǵan qyzmetkerge bir aıǵa ýaqytsha mártebe beriledi. Alaıda qyzmetker ózi týraly málimetterdi aqparattyq júıege engizý qajettiligi týraly jumys berýshige eskertýi kerek.