Búgin Ábý-Dabıdegi meıramhanalardyń birinde jarylys boldy, - dep habarlaıdy Egemen.kz Reuters agenttigine silteme jasap.
Khaleej Times gazeti elektrondyq nusqasynda málim etkendeı, oqys oqıǵa gaz ballonynyń jarylýy saldarynan bolýy múmkin.
"Polısııa qyzmetkerleri úı turǵyndaryn evakýasııalaý boıynsha óz mindetterin atqaryp jatyr. Polısııa sonymen qatar qaýipsizdikti qamtamasyz etý úshin oqıǵa aımaǵyn qorshap aldy", - delingen quqyq qorǵaý organdarynyń habarlamasynda.
Oqıǵa saldarynan birneshe adam zardap shekken, olar jeńil jáne ortasha jaraqat alǵan. Zardap shekkenderdiń barlyǵy medısınalyq mekemelerge alǵashqy kómek kórsetý úshin jetkizilgen.