Bas prokýratýra, Sybaılas jemqorlyqqa qarsy is-qımyl agenttigi jáne Qarjy mınıstrliginiń Qarjy monıtorıngi komıteti quqyq qorǵaý qyzmetine alǵash ret kiretin adamdar úshin alǵashqy kásibı daıarlyqqa irikteý jarııalady.
Tıisti aqparat Bas prokýratýra janyndaǵy Quqyq qorǵaý organdary akademııasynyń resmı ınternet-resýrsynda jarııalandy. Kadrlardy irikteý men daıarlaýdyń jetildirilgen tártibi bıyl óziniń zańnamalyq bekitilýine ıe boldy.
Jańa erejelerge sáıkes quqyq qorǵaý organdarynda (Ishki ister mınıstrligin qospaǵanda) jumys istegisi keletin barlyq jas maman quqyq qorǵaý organdary akademııasynda tereńdetilgen praktıkaǵa baǵyttalǵan oqytýdan ótetin bolady. Irikteý ótkizý, oqýdan ótý tártibi men sharttary, úmitkerlerge qoıylatyn talaptar týraly tolyq aqparatty Akademııanyń saıtynan alýǵa bolady.