Qazaq boksy óziniń tarıhynda buryn-sońdy bolmaǵan úlken jetistikke qol jetkizdi. Almatyda ótken senbi kúni máresine jetken álem chempıonatynda elimizdiń Myrzaǵalı Aıtjanov bastaǵan qurama komandasy 4 altyn, 2 kúmis jáne 2 qola medalmen resmı emes esepte jalpy komandalyq birinshi oryndy jeńip aldy.
Bul jeńisti, álbette, eń aldymen osy birinshilikte aldaryna jan salmaı, chempıon atanǵan 4 atletimiz ákeldi.
Qazaq boksy óziniń tarıhynda buryn-sońdy bolmaǵan úlken jetistikke qol jetkizdi. Almatyda ótken senbi kúni máresine jetken álem chempıonatynda elimizdiń Myrzaǵalı Aıtjanov bastaǵan qurama komandasy 4 altyn, 2 kúmis jáne 2 qola medalmen resmı emes esepte jalpy komandalyq birinshi oryndy jeńip aldy.
Bul jeńisti, álbette, eń aldymen osy birinshilikte aldaryna jan salmaı, chempıon atanǵan 4 atletimiz ákeldi.
Birjan Jaqypov. Qazaqstan quramasy sapyndaǵy jerebesi eń qıyn túsken boksshy bolǵanyna qaramastan, chempıonatty bastan-aıaq bir deńgeıde ótkizgen, 5 shaıqasynda da óziniń taktıkalyq ustanymynan aınymaǵan osy Birjan boldy. Joǵary kásibı sheberliktiń úlgisin kórsetken ol urystary barysynda birde-bir márte múlt ketip, qatelikke urynǵan joq.
Mereı Aqshalov. Osydan az ǵana ýaqyt buryn Azııa birinshiliginde óziniń alymdy da aryndy atlet ekenin anyq ańǵartqan jerlesimiz bul chempıonatty da óte joǵary deńgeıde ótkizdi. Ol bizdiń qurama ǵana emes, týrnırdegi eń kóp soqqy jasaýshy boksshylardyń biri retinde este qaldy.
Danııar Eleýsinov. Bıyl ǵana komanda kapıtany bolyp taǵaıyndalǵan Danııar týrnırde óziniń erekshe tehnıkalyq sheberligimen kózge tústi. Qorǵanys pen shabýyldy qatar ustaı bilgen ol soqqyny barynsha az qabyldaǵan boksshy retinde de aýyzǵa ilindi.Sondyqtan chempıonattaǵy eń sheber boksshy ataǵyn alýy zańdylyq bolyp tabylady.
Jánibek Álimhanuly. On chempıonnyń arasyndaǵy eń jasy óziniń sol albyrttyǵyn qaıtpas qaısarlyqqa da ulastyra bildi. Bul onyń qaı shaıqasta da qaıtpaı urys salýyna negizgi sebep boldy. Osy oraıda alǵashqy eki shaıqasy men sońǵy jekpe-jegi kórermenderin tánti etti. Eń bastysy, óziniń basym ekenine eshkimge shák keltirtpedi.