Aqmola óńirinde "Dıplommen – aýylǵa!" baǵdarlamasyna oraı shalǵaıdaǵy shaǵyn aýyldarǵa baryp jumys istegisi keletin jas mamandar kóbeıip keledi. Onyń bir sebebi, byltyrdan beri jas mamandardyń mindetti jumys isteý merzimi qysqarǵannan bolýy da ábden múmkin, dep jazady Egemen.kz.
El eńsesin kóterýge septigi tıetin bilimdi, jigerli jastarǵa memleket tarapynan aıta qalarlyqtaı qamqorlyq jasalyp jatqandyǵyn atap aıtsaq artyqtyǵy bolmas. Máselen, osy joba aıasynda aýylǵa bet alǵan 700-den astam jas mamanǵa 199,7 mıllıon teńge kóleminde kótermeaqy bólinipti. Sondaı-aq, aǵymdaǵy jyly 340 mamanǵa baspana alýǵa 1,4 mıllıard teńge kóleminde bıýdjettik nesıe qarastyrylǵan.
"Aýyldyq jerge baratyn mamandarǵa 100 aılyq eseptik kórsetkish kóleminde kótermeaqy tólenedi", - deıdi oblystyq ekonomıka jáne bıýdjettik josparlaý basqarmasynyń mamany Ásel Syzdyqova, - úı sala qalsa 15 jylǵa nesıe beriledi. Sharapaty kóp bul jobaǵa densaýlyq saqtaý, sport, bilim berý, basqa da áleýmettik salalar boıynsha mamandar qatysa alady. Eń basty sharty – jas maman aýyldyq jerde úsh jyl jumys isteýi kerek. Ázirge Selınograd, Zerendi aýdandaryna tilek bildirýshiler kóp.
Jumys isteý merzimi bes jyldan úsh jylǵa qysqardy. Osy jobamen baryp Zerendi aýdandyq aýrýhanasynda laborant bolyp jumys istep jatqan jas maman Marııa Manapovanyń aıtýyna qaraǵanda, merzimniń qysqarýy jastardyń yqylasyn odan saıyn ósirip otyr.
Aýylǵa sharýashylyq salasynda jumys isteıtin jas mamandar óte qajet. Kóptegen jumys oryndary da bos tur. Endeshe, el eńsesin jastardyń kótergeni kóńilge qýanysh uıalatady.
Aqmola oblysy