«Qazaqstan» ortalyq konsert zalynda Shámshi Qaldaıaqov atyndaǵy «Meniń Qazaqstanym» halyqaralyq án festıvaline qatysýshylardyń gala-konserti ótti.
Uly sazgerdiń júrek qylyn terbeıtin baǵa jetpes ánderin tyńdaýǵa aǵa býyn ókilderi ǵana emes, jastar da kóp jıyldy.
«Qazaqstan» ortalyq konsert zalynda Shámshi Qaldaıaqov atyndaǵy «Meniń Qazaqstanym» halyqaralyq án festıvaline qatysýshylardyń gala-konserti ótti.
Uly sazgerdiń júrek qylyn terbeıtin baǵa jetpes ánderin tyńdaýǵa aǵa býyn ókilderi ǵana emes, jastar da kóp jıyldy.Kesh shymyldyǵy Erlan Baqtygereev dırıjerlik etken Astana memlekettik fılarmonııasy orkestriniń oryndaýyndaǵy Shámshi Qaldaıaqov ánderinen quralǵan popýrımen jáne «Sholpan» bı ansambliniń bıimen ashyldy.
Kórnekti kompozıtordyń 300-den asa ánderi bolsa, sonyń barlyǵy halyq júreginen óz ornyn tapqan. Búginde eshbir toı, eshbir meıram Shámshi aǵanyń ánderinsiz ótpeıdi. Kompozıtordy bilmeıtin, onyń ánderin súıip tyńdamaıtyn qazaq joq ta shyǵar. Gala-konsertte alǵash bolyp M. Shahanovtyń sózine jazylǵan «Aq bantık» ánin Roman Kım, al «О́mir-ózen» ánin «H faktor» baıqaýynyń fınalısi Aınur Eshmanova shyrqady. Shámshi aǵanyń jan jary Jámıla apaıǵa arnaǵan ataqty «Bárinen de sen sulý» ánin jas ánshi Marııa Galıskaıa gıtaramen súıemeldep, naqyshyna keltire oryndap, halyqtyń qoshemetine bólendi. Halyqaralyq baıqaýlardyń laýreattary Saltanat Baıjumanova men Málik Azat «Shynarymdy», al «Nızam» kvarteti «Aq mańdaılym» ánin shyrqady. Jas bolsa da halyqtyń ystyq yqylasyna bólenip, elimizdiń namysyn halyqaralyq festıvalderde qorǵap júrgen Dımash Qudaıbergen «Aq erke – Aqjaıyq» ánin jurtshylyqqa tartý etti. Jınalǵan qaýym ataqty «Moıynqumda» ánin «Aıýmı» tobynyń oryndaýynda tyńdady.
Atalmysh festıvalde 2010 jyly I-oryndy ıelengen jas ánshi Serjan Janahmetov Shámshi aǵanyń uly Ábilqasym 1,5 jasqa tolǵanda Jámıla apamyzǵa arnaǵan «Baqyt qushaǵynda» ánin oryndady. Al, bıylǵy Bas júlde ıegeri – Nurbolat Abdýlın «Teriskeı» ánin shyrqady. Ol ózin kásibı bilimi bar, tájirıbesi mol ánshi retinde tanytty. Orkestrge Shámshi Qaldaıaqovtyń uly, Abaı atyndaǵy opera jáne balet teatrynyń dırıjeri Muhtar Qaldaıaqov dırıjerlik etti.
Nurbolat Abdýlın, Bas júlde ıegeri:
– Jalpy, baıqaý kúnderi tolǵanysty sátterge toly boldy. Osyǵan deıin E. Hasanǵalıev atyndaǵy «Atameken» halyqaralyq konkýrsyna qatysyp, dıplomant atanǵan edim. Biraq, men úshin bul baıqaýdyń orny bólek. Bolashaqta Shámshi Qaldaıaqovtyń tyń týyndylary jaryqqa shyǵa berse dep tileımin.
Serjan Janahmetov, О́zbekstannyń jas ánshisi:
– О́zim О́zbekstannyń azamaty bolsam da, ultym – qazaq. Bul baıqaýǵa 2010 jyly qatysyp, I-oryndy ıelengen bolatynmyn. Bıylǵy gala-konsertke arnaıy shaqyryldym. О́zim Qazaqstanǵa jıi kelip turamyn. Ár kelgenimde Qazaqstannyń órkendep, Astana qalasynyń kún saıyn ósip kele jatqanyn kórip shattyqqa kenelemin. Ata-babalarym Qazaqstanda týǵan, osy keń dalada ósken. Sondyqtan, men úshin Qazaqstan árqashan ystyq.
Jámıla Qaldaıaqova, Shámshi Qaldaıaqovtyń jubaıy:
– Sazgerler men ánshiler úshin 1992 jyldan beri dástúrli túrde ótetin Shámshi Qaldaıaqov atyndaǵy baıqaýǵa bıyl jıyrma eki jyl tolyp otyr. Al, «Meniń Qazaqstanym» festıvali, mine, bıyl tórtinshi márte uıymdastyrylyp otyr. Mádenıet mınıstrligine aıtar alǵysym zor. Sebebi, jyl saıyn sahna keńeıip, ásem árlenip, baıqaý deńgeıi jyldan jylǵa ósip, jaqsara túsýde. Búgingi tolqyn jastar sahnada ánderdi jańasha túrde oryndasa da, keıbir oryndaýshylar sekildi bos aıqaı men sahnada orynsyz qylyqtarǵa boı aldyryp jatqan joq. Sonaý 60-ynshy jyldardyń jastary syndy sypaıy, ıbaly, kishipeıil, ıaǵnı kompozıtordyń jan dúnıesin túsinip, ony halyqqa jetkize aldy.
Ultymyzdyń uly kompozıtorynyń ónegeli ómiri men ónerin tý etken, án padıshasy – Shámshi Qaldaıaqovtyń qurmetine arnalǵan bul dástúrli festıval osylaısha jyl saıyn talaı jas talanttarǵa úlken sahnaǵa jol ashyp, sazgerdiń ásem ánderin nasıhattaýda zor úles qosyp keledi.
Nurzada KÚMISBEK,
Eýrazııa Ulttyq ýnıversıtetiniń stýdenti.
ASTANA.