Memleket basshysy Qazaqstan halqyna Joldaýynda halyqtyń áleýmettik deńgeıi memleket saıasatynyń basym baǵytynyń biri ekenin aıta kele, 2021 jyldan bastap 700 myń salymshy zeınetaqy qoryndaǵy qarjysynyń jartysyn úı alýǵa, em sharalaryna jumsaýǵa, qarjy kompanııalarynyń paıdalanýyna bere alatynyn málimdedi, dep habarlaıdy Egemen.kz.
"Bul máseleni sheshý úshin Úkimetke Ulttyq bankpen birge jyl sońyna deıin barlyq quqyqtyq normatıvtik aktini qabyldap, daıyndyq jumysyn júrgizýdi tapsyramyn. Atalǵan reforma azamattardy zeınetaqy júıesine atsalysýǵa yntalandyrýǵa úles qospaq. Bıyldan bastap "5-10-20" baǵdarlamasy iske qosyldy. Oǵan 390 mlrd teńge bólindi.
Baspana alý úshin kezekte turǵan azamattardyń máselesi de nazardan tys qalmaýy kerek. Búginde ákimdikter bul máseleni ózderi sheship jatyr. Onyń ýaqytty talap eteri sózsiz. Júıege ózgeris kerek. Bólingen qarjy tek qurylysqa emes, jalǵa alý tólemin sýbsıdııalaýǵa da baǵyttalýy kerek. Reforma nátıjesinde, alǵashqy jyly 100 myń otbasy kómek alady. Bul «Turǵyn úı qurylys jınaq banki" negizinde qurylatyn "Otbasy" bankine mindetteldi. Bank basshylyǵy tapsyrmanyń oryndalýyna jaýapty", dedi Q.Toqaev.