Nıý-Iorkte shymyldyǵy túrilgen AQSh-tyń ashyq birinshiliginde búgin kortqa shyqqan Qazaqstannyń tórt tennısshisiniń úsheýi ekinshi kezeńge joldama aldy, dep habarlaıdy Egemen.kz.
Júlde qory 53 400 000 dollardy quraıtyn týrnırde Aleksandr Býblık súreńsiz óner kórsetip, jarys jolynan shyǵyp qaldy. Ol ulybrıtanııalyq Kaıl Edmýndke 6:2, 5:7, 5:7, 0:6 esebimen ese jiberdi. Al ózge jerlesterimizdiń barlyǵy da alǵashqy aınalymnan súrinbeı ótip, óz jankúıerlerin qýantty. Atap aıtsaq, Mıhaıl Kýkýshkın majarstandyq Attıla Balajdan basym tústi – 6:4, 7:5, 6:4.
Álemniń 17 raketkasy Elena Rybakına WTA tiziminde 107 orynda turǵan ýkraınalyq Katarına Zavaskaıanyń tas-talqanyn shyǵardy – 6:3, 6:0. Sol sekildi Iýlııa Pýtınsevaǵa (33 raketka) da amerıkalyq Megan Montgomerıdi jolynan yǵystyrý esh qıyndyq týǵyzǵan joq. Esep – 6:1, 6:3.
Keshe Zarına Dıas AQSh-tyń ókili Bernarda Peramen kezdesti. Búgin Elena Rybakına taǵy bir amerıkalyq tennısshi Shelbı Rodjerspen sheberlik baıqassa, Iýlııa Pýtınseva belarýssııalyq Vera Lapkoǵa qarsy oınaıdy. Al Mıhaıl Kýkýshkınniń qarsylasy – chılılik Krıstıan Garın.