Bul týraly Atyraý qalalyq turǵyn úı-kommýnaldyq sharýashylyǵy bólimi mamandary málim etti, dep habarlaıdy Egemen.kz.
Jańa páterler Dostyq-1, Geolog, Birlik yqshamaýdaryndaǵy jataqhanalardyń turǵyndaryna berildi. Osy kezge deıin apatty jaǵdaıdaǵy jataqhanalardy meken etken 200-ge jýyq otbasy Bereke yqshamaýdanynda boı kótergen kótergen jańa turǵyn úıge kóshti. Endi jańa páterler turǵyndardyń jekemenshigine aınalmaq.
"Kóp jyldan beri baspana taýqymetin tartyp keldik. Endi mine, jatyn jáne as úı bólmeleri keń páterimiz unady. Munda kireberiste de turmystyq zattar úshin oryn qarastyrylǵan. Jańa páter alǵanymyzǵa qýanyp turmyz", - deıdi qala turǵyny Nursulý Quspanova.