Polısııa qyzmetkerleri júrgizýshini jedel is-shara kezinde «Aqtóbe-Astrahan» tas jolynyń Aqqystaý selosy tusynda toqtatypty. Júrgizýshi «VAZ-2114» kóligimen Atyraý qalasyna bara jatqan eken.
«Tekserý kezinde júrgizýshiniń Isataı aýdanyndaǵy Janbaı selosynyń turǵyny ekeni anyqtaldy. Jıyrma alty jastaǵy turǵynnyń basqarýyndaǵy kólik salonynan salmaǵy 1 keli bolatyn qoldan daıyndalǵan bekire balyǵynyń qara ýyldyryǵy tabylyp, tárkilendi. Qazir sotqa deıingi tergeý QR Qylmystyq Kodeksiniń 339-baby, 1-bóligimen (О́simdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) júrgizilýde» -dep habarlady oblystyq polısııa departamentiniń baspasóz qyzmeti.