Oblys ákiminiń ókimimen Abdýahıt Ábishev oblystyq kásipkerlik jáne ındýstrııalyq-ınnovasııalyq damý basqarmasynyń basshysy bolyp taǵaıyndaldy.
Abdýahıt Ǵarıbjanuly 1979 jyly Atyraý oblysynda dúnıege kelgen. H. Dosmuhamedov atyndaǵy Atyraý memlekettik ýnıversıtetinen aǵylshyn tili muǵalimi mamandyǵyn alǵan. Sondaı-aq Atyraý munaı-gaz ýnıversıtetin ınjener-mehanık bakalavry jáne geologııa magıstri, Máskeý ýnıversıtetin ákimshilik is-júrgizý sheberi dárejesimen bitirgen. Tehnıka ǵylymdarynyń doktory. Ulybrıtanııa, Germanııa elderinde biliktiligin arttyrdy.
Eńbek jolyn 1999 jyly Atyraý qalasyndaǵy №3 orta mekteptiń aǵylshyn tili muǵalimi bolyp bastady. Odan keıin 2000 jyly «AtyraýMunaıGazGeologııa» AQ aýdarmashysy, 2000-2001 jyldary «OTO-PROM» JShS-niń aýdarmashysy, 2002-2005 jyldary «Altıes Petroleým Interneshnl B.V.» kompanııasynyń Atyraý oblystyq fılıalynyń óndiris jónindegi ınjeneri jáne aýdarmashysy, 2005-2007 jyldary «Altıes Petroleým Interneshnl B.V.» kompanııasynyń Aqtóbe oblysy fılıalynyń óndiris jónindegi ınjeneri bolǵan.
Al, 2008-2011 jyldary sheteldik «Felkon Oıl end Ges LTD» kompanııasynyń bas dırektory, 2012 jyly «Altıes Petroleým Interneshnl B.V.» jáne «Fırma Ada Oıl» kompanııalarynyń aımaqtyq dırektory, 2015 jyly «Munaı óndirisi jáne burǵylaý tehnologııasy ǵylymı-zertteý» ınstıtýtynyń munaı jáne gaz óndirý isi boıynsha basqarýshy dırektory laýazymyn atqardy.
2016-2017 jyldary «Ýrıhtaý Opereıtıng» JShS bas dırektorynyń óndiris isi jónindegi birinshi orynbasary, 2017-2019 jyldary «Ýrıhtaý Opereıtıng» JShS-niń bas dırektory bolyp jumys istedi. 2019 jyldan osy taǵaıyndaýǵa deıin «Shagyrai Oil Service» JShS bas dırektorynyń ekonomıka-qarjy jáne jalpy máseleler jónindegi orynbasary qyzmetin atqaryp keldi.