Qaraǵandydaǵy Ǵabdýshevtardyń otbasy alty jyldan beri áli salynyp bolmaǵan kóp páterli úıdi baspana retinde saǵalap keledi. Otbasynda bes bala bar. Eń kishkentaılary 6 aıǵa jaqynda ǵana tolǵan.
Otbasyndaǵy ananyń aıtýyna qaraǵanda olar turyp jatqan qurylysty bastaǵan isker azamat Ǵabdýshevtardyń jaǵdaıyn túsinip, osy úıde turýlaryna ruqsat bergen. Bul úshin bes balanyń anasy bıznesmenge úlken alǵysyn bildiredi. О́ıtkeni,
Qaraǵandydaǵy Ǵabdýshevtardyń otbasy alty jyldan beri áli salynyp bolmaǵan kóp páterli úıdi baspana retinde saǵalap keledi. Otbasynda bes bala bar. Eń kishkentaılary 6 aıǵa jaqynda ǵana tolǵan.
Otbasyndaǵy ananyń aıtýyna qaraǵanda olar turyp jatqan qurylysty bastaǵan isker azamat Ǵabdýshevtardyń jaǵdaıyn túsinip, osy úıde turýlaryna ruqsat bergen. Bul úshin bes balanyń anasy bıznesmenge úlken alǵysyn bildiredi. О́ıtkeni,munyń ózi, muqtaj jandar úshin úlken kómek. Olar ózderinen basqa jan turmaıtyn osy úıdiń bir páterine óz betterimen pesh ornatyp, qysta qatyp qalmaýdyń amalyn qarastyrǵan. Al sýdy alystaǵy bulaqtan tasıdy.
– Meniń balalarym da osy eldiń ulandary ǵoı. Olar sabaqtaryn jaqsy oqıdy. Sportpen de shuǵyldanady. Úlken qyzym Dilnaz gımnastıkamen aınalysady. Jasóspirimder arasynda ekinshi razrıady bar. Biraq dál qazirgi kúni olardyń bolashaǵy eshkimdi tolǵandyrmaıtyn sekildi. Bılik basyndaǵylarǵa kómek surap barsam, bári de bir-biriniń aýzyna túkirip qoıǵandaı «nege týasyń?!» dep ózime ákireńdeıdi. Eger bul balalardy maǵan Alla berip otyrsa, men olardan bas tartpaqpyn ba? Osyny uqpaıtyndaryna renjımin, – deıdi Jánııa.
Jánııanyń aıtýynsha, jubaıy ekeýiniń basynda osy ýaqytqa deıin menshik úı bolmaǵan. Osy úıdi panalaǵanǵa deıin «Berlın» kentindegi úıdi aıyna 25 myń teńge tólep jaldap turǵan.
«Novye vestnıktiń» habarlaýynsha, qazirgi kúni bul otbasy bar bolǵany bir bólmeni ǵana panalap otyrǵanymen, onyń ishinde balalardyń «Dańq buryshy» bar eken. Onda balalar ózderiniń alǵan maqtaý qaǵazdary men sport jarystaryndaǵy medaldaryn, sýretterin ornalastyrypty. Shamasy «sanany turmys bıleıdi» degen ras bolsa kerek. Bul balalar qazirgi kúni sport salasynda belgili bir jetistikterge jetýdi kóp armandamaıdy da. Olardyń negizgi armany – turaqty bir baspanaly bolý.
Sheneýnikter Ǵabdýshevtarǵa kezekten tys páter bóle almaıtyndyqtaryn eskertip otyr. Olardyń aıtýyna qaraǵanda, qalada bul sekildi 5 myń adam bar kórinedi. Keıbiriniń jaǵdaıy Ǵabdýshevtardan da qıyn desedi.
«Egemen-aqparat».