Qostanaıdaǵy iri saýda ortalyqtaryna aýanyń lastaný deńgeıin kórsetip turatyn LED-ekrandar iline bastady. Úlken ekrandarda qaladaǵy aýa quramyn baqylaıtyn mekemeler jınaǵan málimetter jarııalanady.
Oblys ortalyǵyndaǵy aýa sapasyn baqylaıtyn 4 beket bar. Onyń ekeýi aýa quramyndaǵy zııandy zattardy avtomatty túrde anyqtaıdy. Beketterdiń árqaısysy aınalasy 5 shaqyrymdyq aýmaqty qamtı alady. Olar ózderine tıesili aýmaqtaǵy atmosferany tekserip, LED-ekranǵa ár 10 mınýt saıyn aýanyń sapasy týraly málimet jiberip otyrady. «Qazgıdromet» mamandarynyń aıtýynsha, aýa sapasyn baqylaıtyn 4 beketten túsken málimetterdiń nátıjesinde Qostanaı qalasynyń jalpy ekologııalyq ahýaly anyqtalady.
– Turǵyndar LED-ekran betinen aýadaǵy shań-tozań, kúkirt, gaz konsentrattary deńgeıin, oksıd, azot dıoksıdiniń qanshalyqty mólsherde ekenin kóre alady. Jalpy, ózge qalalardyń atmosferalyq lastaný kórsetkishimen salystyrǵanda Qostanaı qalasynyń aýasy anaǵurlym taza, – deıdi «Qazgıdromettiń» oblystyq fılıalyna qarasty zerthana bastyǵy Nıkıta Radchenko.
QOSTANAI