Tennısten Nıý-Iorkte ótip jatqan júlde qory 53 400 000 dollardy quraıtyn AQSh-tyń ashyq birinshiliginiń úshinshi aınalymy óz máresine jetti, dep habarlaıdy Egemen.kz
Qazaqstannyń tennısshileri arasynda alǵashqy bolyp bul mejege álemniń 33 raketkasy Iýlııa Pýtınseva jetti. Ol WTA reıtınginde 351 orynǵa jaıǵasqan belarýssııalyq Vera Lapkony esh qınalmaı utty – 6:3, 6:3. Endi Iýlııa sol eldiń taǵy bir ókili Aleksandra Sosnovıchpen (119 raketka) saıysqa túsedi. Kóp keshikpeı Mıhaıl Kýkýshkın (42 raketka) kortqa shyqty. Chılıdiń ókili Krıstıan Garınmen (73 raketka) bolǵan básekeniń alǵashqy eki kezeńi otandasymyzdyń paıdasyna sheshilgenimen, qarsylasy tarazy basyn teńestirdi. О́te shıelenisti ótken sońǵy sette baryn salǵan Mıhaıl jeńisti qarsylasynyń ýysynan julyp áketti – 6:2, 6:1, 3:6, 4:6, 7:5. Kýkýshkın úshinshi úshinshi kezeńde aýstralııalyq Djoran Tompsonmen (63 raketka) kúsh synasady.
Al Elena Rybakına (17 raketka) úzdikter tiziminde ózinen áldeqaıda tómen turǵan amerıkalyq tennısshi Shelbı Rodjerske (113 raketka) oıda-joqta ese jiberdi.