Oblystyq Tótenshe jaǵdaılar departamentiniń baspasóz qyzmeti teńiz jaǵalaýyndaǵy batpaqta ósken qamystyń taǵy da órtengenin habarlap otyr. О́rt 1 qyrkúıekte saǵat 19:45-te ǵaryshtyq baqylaý monıtorıngi arqyly anyqtalypty, dep habarlaıdy Egemen.kz
"Tótenshe jaǵdaılar departamentiniń 3 qyzmetkeri oqıǵa ornyna baryp, órttiń Atyraý qalasynan shamamen 35 km qashyqta, Kaspıı teńiziniń batpaqty jaǵalaýynda oryn alǵanyn anyqtady. 2 qyrkúıekte departament bastyǵynyń orynbasary, azamattyq qorǵaý polokvnıgi R. Blıalovtyń basshylyǵymen "Eurocopter" 145 UP-ES033" tikushaǵymen Kaspıı teńiziniń jaǵalaýy men "Aq Jaıyq" memlekettik tabıǵı rezervaty aýmaǵynyń shekarasyndaǵy qamys órtine áýeden barlaý jasaldy. Barlaý kezinde "Vesta" aýdanynda shamamen 500-800 sharshy metr bolatyn úsh oshaq anyqtaldy. Buryn órtengen qamystyń orny tútindep jatyr. О́rtengen aýmaqtyń jalpy aýdany 2 gektardy quraıdy", dep habarlady departamenttiń baspasóz qyzmeti.