Bular "Petropavl-Jezqazǵan" avtojolynyń "Petropavl-Podgornoe" baǵyty boıynsha beton tasymaldap júrgen. SQO PD Jergilikti polısııa qyzmeti basqarmasynyń qyzmetkerleri men oblystyq kóliktik baqylaý ınspeksııasynyń ókilderi olardy toqtatyp, teksergende aýyr júk kólikteriniń júrgizýshileri tarapynan birneshe buzýshylyqqa jol berilgeni anyqtaldy, dep habarlaıdy Egemen.kz.
Aldymen ekeýiniń de salmaq parametrleri ruqsat etilgen shekten asyp ketken. Sonymen qatar júkqujattary, joldama paraqtary bolmaǵan, reıs aldynda tehnıkalyq baıqaýdan ótpegen. Onyń ústine tasymaldaldy ózge memlekette tirkelgenine qaramaı júrgizgen. Nátıjesinde tasymaldaýshyǵa qatysty 10 ákimshilik hattama toltyryldy.
Jergilikti polısııa qyzmeti basqarmasynyń bastyǵy, polısııa podpolkovnıgi Aıdyn Baımatovtyń aıtýyna qaraǵanda avtokólik júrgizýshileri men jolaýshylardyń, velosıpedshiler men jaıaý júrginshilerdiń qaýipsizdigi joldyń jaǵdaıyna tikeleı baılanysty. Aýyr júk kólikteriniń bekitilgen standarttardy buzýynan jańa tóselgen tas joldar búlinedi. Barlyq múddeli vedomstvolardyń taraptarynan udaıy profılaktıkalyq jumystar júrgizilgen jaǵdaıda ǵana joldardy saqtap qalý múmkin bolady.
Jyl basynan beri SQO Polısııa departamenti men Kóliktik baqylaý ınspeksııasy birlesip, 60-qa tarta reıd ótkizildi.
Soltústik Qazaqstan oblysy