IIDM-de "Adaldyq alańy" jobalyq keńsesiniń qyzmeti sheńberinde sybaılas jemqorlyqqa qarsy is-qımyl máseleleri boıynsha keńes ótkizildi, dep habarlaıdy Egemen.kz mınıstrliktiń baspasóz qyzmetine silteme jasap.
Sybaılas jemqorlyqqa qarsy is-qımyl boıynsha júrgizilip jatqan jumystar týraly "Adaldyq alańy" jobalyq keńsesiniń basshysy, komıtet tóraǵalary men salalyq departamentterdiń dırektorlary tyńdady.
Qazaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy strategııasyn iske asyrý jónindegi is-sharalar josparyn oryndaý boıynsha naqty baǵyttar belgilendi, onyń ishinde Jobalaý ofısine aǵymdaǵy jyly avtomobıl joldary jáne kólik komıtetteriniń qyzmetindegi sybaılas jemqorlyq táýekeline ishki taldaý júrgizý tapsyryldy. Olardyń nátıjeleri boıynsha qoǵam, sybaılas jemqorlyqqa qarsy qyzmet, sondaı-aq múddeli memlekettik organdar men uıymdar ókilderiniń qatysýymen komıtetter bazasynda qoǵamdyq talqylaýdy uıymdastyrý josparlanýda.
Joba keńsesi qoǵamdyq alań retinde sybaılas jemqorlyq táýekelin tómendetý jáne naryqta adal básekelestikti qurý boıynsha balamaly kún tártibin qalyptastyratyn Mınıstrliktiń 7 salasy boıynsha Saraptamalyq keńesti tanystyrdy.
Bıýdjet qarajatynyń jumsalýy, Mınıstrliktiń jáne Mınıstrliktiń saıtynda Sybaılas jemqorlyqqa qarsy is-qımyl salasyndaǵy jobalyq keńseniń qyzmeti jáne áleýmettik jelilerdegi resmı better týraly aqparattyń qoljetimdiligin qamtamasyz etý, keıbir qurylymdyq bólimshelerdiń jumysyn "Open space" formatyna kóshirý jáne servıstik ortalyqtar men front-ofıster ashý máseleleri qaraldy.