Máskeý mańyndaǵy "Alabıno" polıgonynda aıaqtalǵan jartylaı fınaldyń qorytyndysy boıynsha qazaqstandyq tankishiler ekinshi aınalymda jarys qojaıyndarynan keıin ýaqyt boıynsha ekinshi bolyp, О́zbekstan men Qyrǵyzstan qarsylastarynan ozyp shyqty, - dep habarlaıdy Egemen.kz mınıstrliktiń baspasóz qyzmetine silteme jasap.
Saıys qatysýshylary jartylaı fınalda estafeta túrinde ózara baq synasty. Ár elden úsh ekıpaj kezektese otyryp, úsh atys shebi men 10 kedergileri bar jalpy uzyndyǵy 16 shaqyrymnan astam qashyqtyqty júrip ótti. Qazaqstandyq jaýyngerler trassadan senimdi ótti. Al atys shebindegi jekelegen dálsizdikter áskerı qyzmetshilerdiń dıstansııadan ótý sheberligimen óteldi.
Jarystyń erejesine sáıkes fınalǵa qatysýshylardy irikteýde, júrý barysynda birinshi oryndy enshileý emes, bastysy araqashyqtyqty ótý ýaqyty bolyp tabylady.
"Tank bıatlony" bas jattyqtyrýshysynyń pikiri boıynsha jartylaı fınalda bizdiń tankishilerdiń osyndaı nátıje kórsetýi 840 attyń kúshqýaty bar tanktiń bazalyq modelinde, al Reseı, Belarýs jáne Qytaı qatysýshylary jetildirilgen tankterde óner kórsetýi yqtımal bolýy múmkin. Atap aıtqanda, reseılikter men belorýster kúshqýaty 1130 attyń kúshi bar qozǵaltqyshy jáne komandırdiń panoramalyq teplovızııalyq quraly bar jańartylǵan T-72B3-M áskerı mashınalaryn qoldanady. Qytaı komandasy óziniń Type-96V tankilerinde jarystarǵa qatysady. Ashyq kózderden alynǵan málimetterge sáıkes, atalmysh tankide 1200 attyń kúshi bar qýat qondyrǵysy, sonymen qatar vızýaldaý, basqarý jáne qýattaý mehanızmderi bar.
Sonymen qatar, qazaqstandyq komanda óner kórsetken kúni jeldi aýa-raıynyń qolaısyzdyǵy, negizgi básekelesterimizdiń alǵashqy jartylaı fınaldyq jarysyqan qolaıly kúnderden qatty erekshelendi.
Bul faktorlar qazaqstandyq tankishilerdiń joǵary kásibıligi men sheberlikterine qaramastan jartylaı fınaldyń nátıjesin aldyn ala anyqtady. Sonymen qatar, bizdiń komandaǵa fınalǵa shyǵý úshin qajetti ýaqytty kórsetýge múmkindik bermedi.
Jartylaı fınaldyń nátıjelerine sáıkes ýaqyt boıynsha eń jaqsy 4 komandalar anyqtaldy: Ázirbaıjan, Belarýs, Qytaı jáne Reseı. Fınalǵa shyqqan atalmysh komandalar 2020 jylǵy 5 qyrkúıekte ótetin Armııa halyqaralyq oıyndarynyń sońǵy kúninde ótetin tank bıatlonynda jarysady.
Aıta ketý kerek, tank bıatlonyna qatysýshylardyń daıyndyq deńgeıi, básekelestigi jyldan jylǵa artyp keledi. Bizdiń tankishiler tartysty kúreste 16 qatysýshy el arasynda besinshi orynǵa ıe boldy. Olar qysyltaıań jaǵdaılarda ózderiniń berik minez, maqsatqa jetýdegi tabandylyq, jeńiske degen erik-jiger syndy qasıetterin kórsete bildi.